بشر کمیده بیر عصردن بویان پلاستیکی مادهلردن فایدهلنهدی. دیمک هیچ بیر پلاستیکی ماده اخلت کیسهلریدیک کوندهلیک تیریکچیلیگیمیزده ایشلنمهیدی. اخلت کیسهلری تَورلرنی سقلش و انتقال بیریش اوچون مناسب اسکونه سنلهدی و اقتصادی جهتدن کم بهالیگی باعث، کوپ صرفلنهدی. بیراق اوشبو کیسهلردن ایش آلینگنیدن کیین، اخلت تشلاوچیگه تشلنهدی.
پلاستیکی کیسهلر یشش محیطگه هم زیان ییتکیزهدی؛ اوشبو خطرلر یشش محیط دغللیگیدن باشلنهدی و تورلی حیوانلر نابود ایتیلیشیگچه دوام ایتهدی. اوشبو کیسهلر اخلتگه اوزگرگنیدن کیین، شهردن تشقری کته کثافت تپهلریگه انتقال بیریلیب یا اخلت کورهلریگه یاندیریلهدی. پلاستیکلر یاندیریلگنیدن کیین، وی.او.سی زهرلی گاز ایشلب چیقارهدی. اوشبو کیسهلر توپلنگن صورتده، یشش محیط و هوا دغللیگیگه سبب بولهدی.
کالیفرنیا بیلیم یورتی شیمی انجنیرلیک استادی دکتور استیون ناتنینگ ایتیشیچه، انسانلردن کوپینچهسی یشش محیط قیینچیلیگینی سیزمهگن. اونینگ اورغولشیچه، پلاستیکی کیسهلردن کوتریلگن دغللیککه قرشی کورهشیش اوچون مدنیت سازلیک لازم.
یشش محیط پلاستیک تجزیهسی یوزلرچه ییل دوام ایتهدی. پلاستیکدن کوتریلگن اخلت تپهلری، کیچیک حیوانلرنی نابود ایتهدی. معلوماتلر اساسیده، هر بیر پلاستیکی کیسه 3 آی ایچیده بیر تیریک موجودنی اولدیرهدی.
پلاستیکی کیسهلر سُوولی یشش محیطنی هم تهدید قیلهدی. حاضر اوشبو کیسهلردن کمیده 300 میلیون کته و کیچیک قطعهسی تینچ اقیانوسده باتگن و اوشبو کیسهلر دینگیز ایچیده دلفینلر و دینگیز ارسلانلری اوچون جدی تهدید بولهآلهدی. دینگیز جاندارلری پلاستیکی نرسهلرنی ییگن صورتده، نفسلری کیسیلیب و هضمی سیستمهسی قیینچیلیککه دوچ کیلگنیدن تیزیم شکلده هلاکتگه ییتیشهدی.
پلاستیکی کیسهلرنی قیتهآلیش اقتصادی نظردن منفعتلی ایمس؛ بیراق قوییب یوباریلیب و یاکه یاندیریلگن صورتده، یشش محیط اوچون جدی خطرگه سبب بولهدی. یشش محیطنی تونیق سقلش اوچون، کیسهلردن قیته فایدهلنیش لازم. شونینگدیک، پلاستیکی کیسهلردن فایدهلنیش اورنیده، کاغذ دن فایدهلنیش کیرهک. شونینگدیک، بو کیسهلرهم ارزان ایمس و یشش محیط اوچون بو هم زیانلی دیر. نتیجهده لتهیی کیسهلردن فایدهلنیش منفعتلی دییلهدی. دیمک دواملی و اقتصادی جهتدن یخشی دیر. لتهیی کیسهلر اوزاق تشلنگن صورتده هم، طبیعت قولیلیکده اولرنی حل قیلهآلهدی.
رقملر اساسیده، هر بیر کیشی پلاستیکی کیسهلر اورنیده لتهیی کیسهلردن ایش آلگن صورتده، تیریکچیلیگی دوامیده 22 مینگ پلاستیکی کیسه و طبیعتده توپلهنیشینی باشقرهدی.
