اوتگن کیچه امنیتی کوچلر آلدیندن کوتیلمه گن بیر حرکت‌ده جمهور رییس‌لیک سرایی و امنیتی مهم نهادلرگه باره‌دیگن یوللرنی کانتینر قویب بوگونگی مردمی تظاهرات اوچون کومدیلر. اجتماعی ترماقلردن کوپیسی حکومت نینگ بو ایشیگه کانتینر سالارلیک دیب عنوان بیرگنلر.
بوگون کابل یشاوچیلریدن یوزلرچه‌سی کانتینردن توزه‌تیلگن دیوارلر آرقه‌سیده قالدیب زمینه یره‌تیلگن زمان ایش دفترلری تامان باریش امیدیده ایدیلر. بو دیوارلر آرقه‌سیده قالگنلر دولتی و نادولتی نهادلر ایشلاوچیلر و کسبه‌کارلردن عبارت دیر. بولر حکومتنی امنیت تأمین قیلیشگه عاجزقالگن دیب عیبلیدیلر.
کابل شهرنو منطقه سیده‌گی کسبه‌کارلردن بیری جاوید که ایش ییریده بارماقنی ایستیدی، اما انصاری تورت یولیده کیلیشی بیلن کانتینردن توزه‌تیلگن دیوارلرگه دوج کیله‌دی. جاویدنینگ معلوم قیلیشیچه، هرکون ایشدن تاپگن درآمدی اونینگ عایله اعضاسیگه کیچه‌لیک آذوقه بولردی.
بو کسبه‌کار سیسیگه زور توکیب جمهور رییس‌گه قره‌تیب، اوزینگ و یشاوچیلر امنیتی‌نی تأمین قیلیش کوچیگه ایگه ایمس ایکن سن، اوزینگنی ایشدن آل، دیدی.
احمد رشاد، کابل ولایتی‌نینگ باشقه بیر یشاوچیسی و اقتصاد وزیرلیگی ایشلاوچیسی دیر، امنیتی کوچلردن عذر و زاری قیلیشی بیلن ینه هم اونگه کانتینرلر اوستیدن اوتیش اجازه‌سینی بیرمیدیلر. بو اقتصاد وزیرلیگی ایشلاوچیسی نینگ ایتیشیچه، حکومت برچه دولتی اداره‌لرده شبوگونده ایشده کیلمه‌گن دولت ایشلاوچیلری 3 کون غیر حاضر قیلینیش یانیده عدلی و قضایی نهادلرگه هم معرفی بوله‌دی دیگن ایکن‌لیگیدن ناراحت‌لیک بیلدیره‌دی.
قولیده کسلگه کیلتیره دیگن ذاتلر کوتیریلگن یاشی ایلیک‌ده یقین بولگن بویاقدن اویاقده باره‌دی و سیسی توشگن و یوزیگه خسته‌لیک نمایان بولگن حالده ایتیشیچه، کارته سخی‌دن ملالی توغمه خانه‌سی دیواری یانیگه قدر ایاقده کیلیشی بیلن ینه هم کسلی آلدیده، شو کسلخانه‌ده بستر ایکن باریشگه اجازه بیرمیدیلر. بو کیشی اوزینی محمدقاسم دیب تانیته‌دی ایتیشیچه، دولت نینگ کوپلب باسیمی عادی یشاوچیلر اوستیده بولگن. او حکومت رهبرلریدن یوللرده موانع قوییشلری بیلن امنیتلرینی آلیشگه قادر می دیب سوره‌یدی؟ بو کابل یشاوچیسی‌گه کوره، دولت اوزی و یشاوچیلر امنیتی‌نی تأمین قیلیش کوچیگه ایگه ایمس.
بوگونکی اعتراضگه قتنشگن کابل بیلیم یورتی‌نینگ اوقیتوچیلریدن اسدالله یوسفی نینگ ایتیشیچه، حاضرگه قدر حکومت اهالی باره‌سیده انیق معلوماتی یوق و اوزی ایجاد قیلگن دهشت‌دن، بو کانتینردن توزه‌تیلگن دیوارلرنی قوره‌دی. یوسفی‌گه کوره، اهالی نینگ اعتراضلری مدنی ایدی.
جمهور رییس‌لیک سرایی و باشقه مهم امنیتی نهادلر اطرافیده کانتینرلردن دیوار قیلیش عملی کوپلب اجتماعی ترماغلر جمله‌دن فیسبوک ایشلاوچیلرینی قرشیلیکلری بیلن بیرگه بولدی. بولرگه کوره، حکومت تامانیدن کانتینری دیوارلر قوریش عملی مردم سالارمیزدیگن ادعالریگه قرشی دیر.
