سلاموطندار اجتماعی گزارشلری تیزیمیده، دولت و نادولت ادارهلریده جنسی زورهوانلیککه قربان بولگن قطار کیشیلر بیلن صحبت اوتکزگن. اوشبو صحبتلر توپلهمی بیر خاص لایحهگه جایلشتیریلگن. صحبت اوتکزگنلرنینگ برچهسینینگ آتی مستعار دیر؛ بیراق حکایهلر حقیقی.
سکینه: اوتگن ییل تورموش اورتاغیم قماققه توشدی. تورموش اورتاغیمنینگ قضیهسینی ایزلش اوچون، هر بیر دروازهگه باش اوردیم و نیچه دفترگه باردیم. هر ییرده باردیم کاغذنی اوینهتردی و ایشیم ایلگری بارمسدی. ایشیم قارهلاوچیلیککه توشدی، قضیهگه تیکلش لایحهسی اوزگردی. قارهلاوچیلردن بیری جوده هم اخلاقسیز و قوپال ایدی، مینی کوریب حرکتی اوزگردی و نیچه مرته یخشیلیک بیلن مینی دفتریگه چقیردی. نتیجهده کونلردن بیرکون مقصدینی بیان قیلدی، دیمک مین سیندن پول و ساوغه ایستمهیمن؛ ایستمهیمن بیر مرته هم بولسه مین بیلن بولگین؛ مقصدیمنی توشیندینگ می دیدی؟ تورموش اورتاغینگنی دوسیهسی نتیجه بیریب و اوزینگ دربدرلیکدن خلاص بولیشنی ایستهسنگ، مین بیلن بیرگه بولیب و دوستلیک قیلگن دیدی.
مژگان: ینگیلیکده باشکینت کیلگن ایدیم. کابل اجتماعی محیطی بیلن هیچ قندهی آشنالیگیم یوق ایدی. وقت اوتکزیش اوچون کیلگن یوق ایدیم؛ یالغیز تیزلیکده بیر ییرده ایش تاپیب و کوندهلیک حیاتیم توزهلیشینی ایستردیم. اوغلیکم ایکی یریم یاشیده ایدی. کونده اونی بالهلر باغچهسیگه آلیب بارردیم. بیرکون اوغیلیمنینگ آرقهسیدن بالهلر باغچهسیگه باردیم و بالهلر باغچهسی دفتریده بیر 45 یاشر کیشینی کوردیم. مینی کوریب سوره ماققه باشلهدی، ایش و کوچیم و یشش ییریمنی سورهدی. تانیشگنیدن کیین، بیر مدنی اویوشمه توزهتهیاتگنینی ایتدی و میندن شو ایشگه همکارلیک قیلیشیمنی ایستهدی. مین هم ایشسیزلیکدن زیریکَنیم باعث، قبول قیلدیم. ایش دفتریده هر هفته باشقه اویوشمهلر و نمایندهلر ارا ایکی مرته ییغین اوتکزردیک. کونلردن بیرکون ییغینلرنی بیریدن قیتهیاتگن چاغیده یوزینی مینگه قیلیب بوندهی دیدی؛ سینی پلتخنیک بیلیم یورتیگه آلیب بارهمن و او ییرده ایشلهیسن. آییده 15 مینگ افغانی سینگه آیلیک بیریلهدی؛ شرط شوکه مینگه مهربان بولسنگ. بو گپیدن حیرتلنیب، مقصدینی سورهدیم و او میندن دوست بولیشیمنی ایستهدی، مین اونگه اویلی بولگنیمنی ایتدیم، دیمک او، بوتوغریده قیینچیلیگی بولمهگنینی بیلدیردی. مین سینی سیوهمن و قولدن بیریشنی ایستمهیمن. نتیجهده تابیم قاچیب و حالیم یمان بولدی. مین ایسه، ایشی و اوزیدن وازکیچیب، اوزیدیک بیر کیشینینگ تاپیشینی ایتدیم. موتردن توشدیم. ییر و زمان مین اوچون قارانغو بولدی. اوچ کونگچه شاشینیب یوردیم. سوزلری دایما خیالیمده تکرار بولردی. اوشه کوندن کیین، بیلدیم که مینی توشینچم جوده هم فرقلی ایکن.
شکوفه: ژورنالیسم بولیمی ایکینچی ییلیده ایدیم. اقتصادی قیینچیلیک باعث، ایش آخترردیم. بیرکون اورتاقلریمدن بیری ایش اوچون، بیر مؤسسهگه تانیشتیردی. دفتر مصلحتچیسی بیلن دستلبکی انتروینی اوتکزدیم و اوشه کوننی ایرتهسیدن ایشگه تعیین ایتیلدیم. بیراق دفتر مصلحتچیسی اوشه کوندن باشلب خلقت ییتکزیشگه باشلهدی. دایم مینگه قونغیراق قیلیب و کونده کتبی پیام یوبارردی. خلقتلرگه قوشیمچه مینگه ناپسند و اخلاقسیز ویدیو یوباردی. اوشه کون ایرتهسی ایش دفتریگه باریب و بو ایشیدن مقصد نیمه بولگنینی سورهدیم؛ بیراق او، هیچ نرسه ایشیتمهگن دیک اوزینی کرلیککه آلدی. نتیجهده اَچیقلنیب جوابیمگه بوندهی دیدی: هر نرسه ایستهسنگ سین اوچون تیارلهیمن: پول، اوی، موتر و تیریلیکنی یخشی اوتکزهدیگن برچه انشاعاتلرنی؛ بولرنی بدلیگه سیندن ایستهیمن مین بیلن بیرگه بولگین. صحبت قیلهدیگن چاغیده، اوزینی مینگه یقینلشتیرردی. مین بو حرکتیدن شاشیلیب و هم قورقگن ایدیم. بیر شکلده اوزیمنی دفتریدن چیقاردیم؛ او ییردن قاچیب و آرقهمگه هم قرهمهدیم.
