بیرینچی می، خلق ارا ایشچیلر کونی، بوگون (یکشنبه) افغانستانده نشانلندی. کابل قوشیمچه ولایتلردهگی ایشچیلرنی مدافعه قیلووچی ادارهلرنینگ مسووللری، اوشبو کون مناسبتی بیلن یول یوریب ایشسیزلیک معماسیگه پایان بیریلیشینی سوره گنلر.
افغانستان ایشچیلر و خادملر ملی بیرلشمهسینینگ باشلیغی معروف قادری، یول یوریگنلیکدن نیت ایش سیزلیک و ایش خوفسیزلیگی بولمهگنلیگی اوچون اعتراض بیلدیریش دیگن.
او، ملی بیرلیک حکومتینینگ رهبرلریدن، مملکت فقراسی اوچون ایش جایی یرهتیب بیریب، اولرنینگ خارج دولتلرگه کیتیش آلدینی آسینلر دیگن.
اوشبو اعتراضده اشتراک قیلگن ایشلاوچیلر هم حکومتدن ایشسیزلیک تولقینلریگه تفاوتسیز قالمسلیکلرینی سورهگنلر. بولر ایچیده ایش ساعتلریدن شکایت بیلدیرگن ایشچیلر هم یوق ایمس.
مذکور محنتچیلرنینگ سوزلریگه قرهگنده، کونده 12 ساعتدن کوپ ایش قیله دیلر، لیکن، ییترلی پول تولنمیدی. شونینگدیک مذکور اعتراضده بیر قنچه مدنی جماعهچیلیک فعاللری هم قتنشگن.
مدنی فعاللردن کهکشان کوفی، دستلب حکومتدن امنیت تامین ایتیلیشینی سورهگن. چونکه خوفسیزلیک بولمهگن حالده، ایش قیلیش ممکن ایمس. کهکشان هم، ملی بیریلیک حکومتی رهبرلریدن یاشلر اوچون ایش زمینهسی یرهتیب بیریشنی طلب قیلگن.
ایشچیلر خلق ارا کونی مناسبتی بیلن بامیان ولایتینینگ اونلب اهالیسی همده ایشچیلری ولایتده یول یوریب مدنی اعتراض بیلدیرگنلر. یول یوریب اعتراض بیلدیرگنلر " حکومت، حکومت؛ بیز ایش سورهیمیز" ایشسیزلیک نابرقرارلیک عاملی دییه شعار بیرگنلر. اولر هم، مملکت خلقی اینیقسه بامیانلیکلر اوچون ایش جایی یرهتیب بیریشنی سورهگنلر.
افغانستانده ایشسیزلیک و عدالتسیزلیکنی تصدیقلهگن حکومتنینگ رسمیلری، ینه هم ایشچیلر اوچون ایش جایی یرهتیب بیریشدن سوز بیرگنلر.
افغانستان اجتماع، ایش و ناگرانلر ایشلری بوییچه وزیر خانم نسرین اوریاخیل نینگ ایشچیلر خلق ارا کونی مناسبتی بیلن اوتکزیلگن ییغینده ایتیشیچه، افغانستانده ایشسیزلیک میزانی یوقاری، لیکن، ایشسیزلیک میزانی پستگه تویشی اوچون سعی و حرکت قیلیشدن ایهمسلیکنی هم تیلگه آلگن.
می آیینینگ بیرینچی کونی یعنی ایشچیلر خلق ارا کونی افغانستانده مینگلب انسان ایشسیزلیکدن شکایت قیله دیگن بیر چاغده نشانلماقده.
