افغانستان عالی تینچلیک کینگشینینگ بلند مرتبهلی مسووللریدن بیرینینگ سلاموطندار ترماغیگه ، تینچلیک مذاکرهسینینگ ایجابی نتیجهلری بارلیگی اوچون امید بیلدیریب، طالب لربیلن تیلفون علاقه بار دیگنلر.
مذکور کینگشنینگ اورین باسرلریدن بیری عطاالرحمننینگ سلاموطندارگه بیلدیریشیچه، قوراللی طالبلرنینگ بعضی بلند مرتبهلی رسمیلری تینچلیک مذاکرهسی اوچون قیزیقیش کورستگنلر.
اونینگ سوزلرگه کوره، تینچلیک مذاکرهسی اوچون تیزلیکده بعضی بیر ایجابی نتیجهلرنی کوتیش امکانی موجود.
عالی تینچلیک کینگشینینگ اورین باسری، قوراللی طالبلر حرکتینینگ رهبرلریدن بولمیش ملا رسولنینگ تینچلیک مذاکرهسیده اشتراک قیلیشی بارهسیده اخبارات واسطهلریگه خبر بیرگن.
عین حالده، هلمند ولایتیده جمهور رییسنینگ مخصوص نمایندهسی همده اوپراتیفی مسوولی عبدالجبار قهرماننینگ عاموی اخبارات واسطهلریگه ایتیشیچه، دولت قوراللی مخالفلری بیلن تینچلیک مذاکره اوتکزیش مساله گه عاید خبرلر هلمند ولایتی امنیتی اوچون توغریدن توغری تاثیر قالدیگن.
اونگه کوره، مذکور خبرلر اهالی اوچون ییریک امیدوارلیک بیرگن.
لیکن، سیاسی تحلیلچی وحید مژدهنینگ سوزلریگه کوره، قوراللی طالبلرنینگ تورلی گروهلری تینچلیک مذاکرهسی اوچون تیارگرلیک کورسهتیشی مذکور جریان اوچون ایجابی تاثیر بار. او، بو توغریده جنگری طالبلرنینگ برچه قوماندانلری جریانگه قویلیشی اوستیده تاکیدلهگن.
اونینگ سوزلرگه قرهگنده، اوشبو خبرلر جنگری طالبلرنینگ باشقه بولیملرینی ترغیبگه کیلتیریشی حکومت بیلن تینچلیک مذاکره اوتکزیش گه تشویق ایتهدی.
افغانستان عالی تینچلیک کینگشی نینگ یوقاری مرتبهلی رسمیلری، اوتگن کون اسلامی حزبینینگ یوقاری مرتبهلی هیاتلری کابلگه کیلیب تینچلیک مذاکرهسی اوستیده بحث آلیب بارگن بیر چاغده ملا رسولنی هم تینچلیک لایحهسیگه قوشیلشی توغریسیده خبر بیرماقدهلر. شونینگدیک پاکستان باش وزیری نینگ مصلحتچیسی سرتاج عزیز هم قوراللی طالبلرنینگ تینچلیک مذاکرهسی گه تیار قیلیش اوچون ینه بیر بار سوز بیرگن.
