افغانستان صناعت و تجارت اتاغینینگ مسووللری، افغان سوداگرلرینینگ قوشنی مملکتلر بیلن تجاری قیینچیلیکلری همده جنوبی آسیا مملکتلر همکارلیک تیشکیلاتی (سارک) ویزهسی بولمهگن لیگی بارهسیده خبر بیرگنلر.
مملکت صناعت و تجارت اتاغینینگ عامل رییسی عتیق الله نصرت نینگ بوگون کابلده بیر خبری انجمن ده ایتیشیچه، سارک تشکیلاتی، انجمنگه اعضا بولگن برچه مملکت جنوبی آسیاگه سفر قیلیش اوچون گروهی شکلده ویزه بیرگن، لیکن بو ویزهلردن هیچ بیری افغانستانلیک تاجرگه بیریلمهگن.
جناب نصرت حکومت رهبری و تشقی ایشلر وزیرلیگی سارک ویزهسیدن افغانستان ملی تاجرلر فایدهله نیش اوچون بولرگه ویزه آلیب بیریش اوچون همکارلیک قیشلیشنی سورهگن.
ییغینده سوزلهگن سارک تشکیلاتی تجارت اتاغینینگ باشلیغی سورج وادیاگه کوره، افغانستانلیک ملی سوداگرلر اوچون یخشی فرصتلر موجود، اما، بو فرصتلردن فایدهلهنیش اوچون خوفسیزلیک وضعیت کته توسیق بولیب کیلگن.
سارک، صناعت و تجارت اتاغینینگ رییسی نینگ سوزلریگه قرهگنده، افغانستانلیک سوداگرنینگ بو ساحهدهگی معماسی حل ایتیلیشی اوچون، سارک اعضالری بیلن مذاکره قیلهدی.
تجارت وزیرلیگینینگ اورین باسری مزمل شینواری ییغینده سوزگه چیقیب، سارککه اعضا مملکتلرگه افغانستان حکومتی همکارلیک قیلیشی اوچون تیارگرلیک آلگن لیگی بارهسیده تاکیدلب، خصوصی بولیم اوچون شرایط لر یرهتیلیشی اوچون سعی وحرکت قیلینهدی دیگن.
سریلانکا، پاکستان، نیپال، مالدیو، هند، بوتان، بنگلهدیش و افغانستان سارک تشکیلاتیگه اعضالیک قیلهدی.
سارک تشکیلاتی 1986- ییلده تاسیس ایتیلگن. اونینگ بیرینچی نیتی جنوبی آسیا دولتلری ارا اقتصادی همکارلیکلر آشیریشی بولگن. شونینگدیک افغانستان 2007- ییل سابق جمهور رییس حامد کرزی زمانیده مذکور تشکیلات اعضالیگی نی قولگه کیریتیدی.