نیمروز ولایتی‌نینگ عمومی تورمه‌سیده‌گی بیر قنچه محبوس‌لرنینگ سلا‌م‌وطندارگه ایتیشیچه، امنیتی ملی کوچلر محبوس‌لرنی کلتکلب بعضی وقت‌لرده محبوس‌لرگه جنسی تجازو قیله‌دیلر.
اوچ ییلدن بیری تورمه ده بولگن بی‌بی نگاره حیاتی‌نی اوچ ییلدن بیری مذکور قماقده اوتکزگن. او، بار – بار امنیتی کوچلر طرفیدن تنبه ایتیلگنی‌نی ایته‌دی.
تورموش اورتاغی‌نی اولدیرگن‌لیک عیبی بیلن آزارلیک‌دن محروم ایتیلگن‌لردن بیری حسینه‌نینگ سوزلریگه کوره، تورمه قوریقچی‌لری فحش گپ‌لر بیلن سوکیب کلتک‌لیدی‌لر.
شونینگ‌دیک مذکور عیال محبوسلر حق‌لری نظرده توتیلمه‌گن لیگینی ایتگن. ایتیلیشیچه، تورمه قوریقچی‌لر بعضن خاتین محبوس‌لرنی تجاوز قیله‌دی.
.jpg)
محبوسلر اوشبو مساله‌گه محلی حکومت اعتبار بیرمه‌گن حالده، اوز جان لریگه سوء قصد قیلیش‌لری توغریسی‌ده آگاه‌لنتیرگن‌لر.
بو ادعالرنی رد قیلگن505- زون قوماندانی جنرال عصمت الله دولتزایی‌گه کوره، تورمه مسوول‌لری انده – سنده قوماقخانه‌گه باریب، محبوسلر حالینی اورگن‌ه دیلر. شونینگ‌دیک قوماندان، محبوسلر ادعالرینی اثباتلاوچی حجت‌لری بولگن تقدیرده، دولت باش قره اوچیلیک اداره‌سیگه مراجعه قیلیش‌لری کیره‌ک دیگن.
نیمروز تورمه‌سیده 11 عیال ایریم جرم‌لرگه عیبله‌نیب آزادلیک‌دن محروم ایتیلگن.
بوندن آلدین انسان حق وحقوق‌لریگه عاید تشکیلات‌لر تامانیدن ترقه تیلگن گزارش‌لرده افانستان‌نینگ تورمه‌لریده عیال‌لر جنسی تجاوز ایتیله یاتگن‌لیک‌لرینی ملعوم قیلگن ایدی. اما، هنوزگچه هم مرکزی حکومت بو مساله اوچون دییرلی اعتبار قرتمه‌گن.
