قبیلهلر منطقهسی بوتونلی پاکستان ادارهسیگه اوتدی
خودمختار قبیلهلر منطقهسینینگ بیر قنچه قوم یاش اولوغلری، پاکستان بو منطقهلر خودمختارلیگی بیکار ایتلیشی اوچون اولگورهدی دیگنلر. پاکستان، قبیلهلر منطقهسینی بوتونلی اوز اشغالیگه آلیش اوچون سعی وحرکت باشلهگن.
قوم یاش اولوغلریدن شاهدالرحمان، قبیلهلرمنطقهسینینگ بیرقطار قوم یاش اولوغلری پاکستان اوشبو قرارینی خوش قرشیلهگن بولسه لر – ده بیر قنچهسی ایسه قرشیلیک بیلدیرگنلر دیگن. اما، بو مملکت حربی کوچلری مساله توغریسیده قرشیلیک بیلدیرگنلر موضوعنی تن آلیش اوچون باسیم آستیگه آلیگنلیک لری ایتیلهدی.
پاکستانلیک یازووچی و ژورنالیست رحیمالله یوسفزی موضوعنی تصدیقلب سلاموطندارگه ایتیشیچه، نیچه کون آلدین بو مساله بارهسیده بیش کیشیلیک بیر کمیته تشکیل ایتیلیب، خودمختارلیک قبیله بیکار ایتلیشی اوچون فعالیت باشلهگن. بو کمیته، مذکور منطقهلرنی خیبر پشتونخواه ایالتلریگه قوشیش اوچون اولگورهدی دیگن یوسفزی.
پاکستانلیک یازووچی، قوم یاش اولوغلری اورتهسیده ییغین اوتکزیش باشلنگن دیگن. عمومن آلگنده اولر ایکّی فکردهلر؛ بیر قنچه یاش اولوغلر قبیلهلر منطقهسی خیبرپشتونخواه ایالتیگه قوشیلیشینی ایستیدیلر و ایریملری ایسه مستقل ایالت وجودگه کلیش نی ایلگری سورگنلر دیگن یوسفزی.
عین حالده، تحلیلچیلر، پاکستان آزاد قبیلهلرنی بوتونلی اوز اشغالیگه آلیش اوچون حقلی ایمس لیگینی ایتیب، بو موضوع دیورند چیزیغی کیلیشووگه ضد دیگنلر. تحلیلچیلرگه کوره، بو تدبیر عملگه آشیریلگن حالده، افغانستان ایستهگی اساسیده بیرلشگن ملتلر تشیکلاتی تامانیدن منطقهده ریفرندوم اوتکزیلیشی لازم.
تحیقیقچی و یازووچی عبدالحمید مبارز، قبیلهلر منطقهسی بیریتانیا زمانیده آزاد منطقهلر بولگن، سونگ پاکستان اوشبو منطقهلرنی اوز ادارهسیگه آلگن دیدی.
بو توغریده افغانستان قوم و قبیلهلر وزیرلیگی رسمیلری فکرینی اورگهنیش اوچون آلیب بارگن سعی وحرکتیمیز نتیجه بیرمهدی. پاکستان قبیلهلر منطقهسی بو مملکتنینگ سیاسی توزیلمهسیده «FATA» دیب ناملنهدی.
میلادی 2001- ییل امریکه و اونگه اتفاقداش مملکتلر افغانستانگه هجوم قیلیب، قوراللی طالبلر توزیمینی آغدیرگندن سونگ، جنگری طالبانگه وفادار رهبرلر و بلند مرتبهلی شخصلر پاکستان شمال و شمال غربی منطقهلریده باش پنه ایزلهدیلر.
