بغلان ولایتینینگ عیاللر ایشلری بوییچه ریاستی رسمیلرینینگ ایتیشیچه، مذکور ولایتنینگ نهرین تومنیده 8 یاشر بیر قیز باله اماملر، محل اربابلری و ناقانونی قوراللی کیشیلر تامانیدن سینگلیسی اوییدن قاچگنلیگیگه عیبلنیب سینگلیسینینگ نامزدینی عایلهسیگه خولیگه بیریلگن.
بغلان ولایتینینگ عیاللر ریاستی باشلیغی خدیجه یقیننینگ سلاموطندارگه ایتیشیچه، اوشبو 8 یاشر قیز بالهنینگ 13 یاشر سینگلیسی ایکی آی آلدین زورهوانلیک بیلن مذکور تومن اربابلریدن بیرینینگ اوغلیگه نامزد قیلینگن.
بغلان پولیسی بیش کون آلدین، مذکور 13 یاشر قیزنینگ جسدینی جنسی زورلهنیب و آتیب اولدیریلگن بیرچاغده تاپیب آلگن. بغلان پولیسیگه کوره، اوشبو قیز ایکی کون آلدین، جسدی تاپیلگن ییردن قوراللی کیشیلر تامانیدن اوغیرلنگن.
خانم یقیننینگ ایتیشیچه، مذکور قیزنینگ نامزدینی عایلهسی، بیر صحرایی محکمه اوتکزیب، اونینگ 8 یاشر سینگلیسینی خولیگه آلگن.
اونینگ ایتیشیچه، عیاللر ریاستی، امنیه قومندانلیگی بیلن ولایت رسمیلرینینگ یاردمیده اوشبو دوسیهنی تیکشیریب و مذکور قیزنینگ خولیگه آلگن کیشینینگ توتقونگه آلیش اوچون سعی و حرکت قیلهدی.
دادخواهلیک اوچون بغلان مرکزیگه کیلگن مذکور قیزنینگ آتهسی شاهزماننینگ ایتیشیچه، قیزینینگ نامزدینی عایلهسی قیزینینگ قاچیرگنیدن کیین، اونی باشقه 8 یاشر قیزینی هم بیریشگه مجبور قیلگن.
شاهزماننینگ ایتیشیچه، اولر جبردن و قورال زوری بیلن قیزینینگ آلیب کیتگن. اونینگ آگاهلنتیریشیچه، حکومت بو قضیه خصوصیده بی فرق یاندهشگن صورتده، اوزینی اوتگه یاندیرهدی.
اونینگ ایتیشیچه: «مینی آلیب باریب قماققه تشلهدیلر. ایکی کیچه و کوندوز قماققه قالدیم. قماقدن چیقارگنلریدن کیین بو قیینچیلیک حل ایتیلیشی خصوصیده کیچیک قیزیمنی ایستهدیلر؛ بوندهی بولمهگن صورتده، بو مردم جنجل قیلهدی، نفر اولهدی و سینی بیر قیزینگ اوچون بیزلردن اونلرچه ییگیت اولهدی دیدیلر».
بغلان ولایتینینگ عیاللر ریاستی رسمیلری، مذکور ولایتده عیاللرنینگ وضعیتی یامانلیگی توغریسیده خواطر بیلدیریب ایتیشیچه، حاضرضرگچه اوشبو ولایتنی ایریم قسمتلریده نا توغری رسمو رواجلر، خولیگه بیریش، زورهوانلیک و یاشی قوییلرنینگ تورموش قوریشی عادی بولگن.
