پاکستان داون خبر آژانسلیگی، مملکتنینگ برچه قدرتلی حزبلری ییریک بیر ییغین اوتکزیب، عیاللرنی دستکلیدیگن قانوننی «اسلامگه قرشی» دیگنلیک لرینی یازگن. مذکور حزبلر حکومتدن بو قانونگه عکسالعمل بیلدثیریشنی سورهگنلر.
جماعت اسلامی حزبی تامانیدن توپلنگن حزبلر اوتگن کون (26- حوت) اولگن ییغین اوتکزیب بو مسالهنی محاکمه قیلگنلر.
عیاللرنی حمایت قیلهدیگن قانون 2015- ییلده پنجاب مجلسی آرقهلی تصدیقلنگن ایدی. اوشبو قانونگه موافق خاتین – قیزلر عایلهوی، روحی و جنسی زوروانلیککه روپه – ره بولگنده حکومت تامانیدن حمایت ایتیلهدی.
«تامسون رویترز» ادارهسی تامانیدن اوتکزیلگن عامهوی سوراو نتیجهسیده میلادی 2011- ییلده پاکستان عایلهوی، اقتصادی ضدیت و قیزلرنی یوزیگه تیزاب سیپیش کبی زوروانلیکلرده دنیا بویلب اوچینچی اوریننی کسب قیلگنی بیلدیریلگن.
بو قانون صدیقلهنیشی انسان حق و حقوقلرینی دستکلاووچی مدنی فعاللر تامانیدن خوش قرشیلندی؛ اما، پاکستاننینگ کوپچیلیک ملالری همده مذهبی رهبرلری مسالهنی اسلام و اساسی قانونگه قرشی دیگنلر.