بریتانیا کتابخانهسی تروریسم قانونی آیاق آستی بولیشیدن خواطر بیلدیریب، طالبلرگه تیگیشلی حجتلر سقلهنیشینی توسیب قویدی. مذکور کتابخانه تامانیدن بو آرشیفده سقلهنیشی توسیلگن حجتلر رادیویی یایینلر، نقشهلر و قوراللی طالبلرگه قرهشلی خبرلردن عبارت دیر.
اوشبو ایشنی تنقید قیلگن ایریم ایش بیلرمانلرگه کوره، مذکور حجتلر افغانستانده طالبلرنینگ اوروشی همده وضعیتی اوچون معلومات قولگه کیرتیشده اساسی منبع دیر.
مذکور کتابخانه مسووللریگه کوره، تروریسم قانونیگه نقض کیلمسلیگی اوچون بوندهی بیر ایشگه قول اورگنلر.
شونینگدیک اوشبو مسوللرنینگ سوزلریگه کوره، قانونی شکلده بولرگه طالبلرگه تیگیشلی موادلرنی قولگه کیریتمسلیکلری توصیه ایتیلگن.
مذکور حجتلر اوشبو کتابخانهده سقلهنیشی توسگن یازووچی همده تحقیقچی الکس استرکنینگ فکریگه کوره، « مذکور حجتلرده بابمه ایشلب چیقاریش و شونگه اوخشهگن نرسهلر دستورالعملی موجود ایمس»
ایریم تحلیلچیلر بریتانیا کتابخانهسی بو حرکتنی قارهله گنلر.
شونینگدیک جناب استرککه کوره، «اوشبو حجتلردن اهالی تیزلیکده طالبلر توغریسیده معلومات قولگه کیریتهدی»
دوبلین سیتی بیلیم یورتینینگ استادی جیمز فیتز جرالد، کتابخانهنینگ اوشبو حرکتینی بیر احمقانه قرار دیگن.
او، بو مملکت حکومتینی قارهلب ایتیشیچه، «بو مملکتدهگی تروریسم قانونی تحلیلچیلرنینگ مطالعهگه بولگن احتیاجلرینی توسیب قویگن.
فیتزجرالد، « بیز حاضر اوشبو حرکتنینگ تاثیرینی تجربه قیلماقده میز. کوپینچه بیلیم یورتلرنینگ استادلری شبهه لنمسلیکلری اوچون تروریسم بارهسیده مواد تیارله میدیلر» دیگن.
