امریکه قوشمه ایالتلری، پاکستان ملی اردوسی هنوزگچه طالبلر گروهی نابود ایتیلیشی اوچون اوتکزگن حربی عملیاتلریگه قرهمی، اما حاضر افغانستانلیک طالبلر و حقانی ترور ترماغی یاشیرون روشده بو مملکتده حیات کیچیرهدی دیگن.
امریکهلیک رسمیلرگه کوره، پاکستان دولتی «ضرب عضب» نامی استیده یولگه قویگن حربی عملیاتده طالبلرگه ییتکزیگن تلفاتگه قرهمی، لیکن اوشبو گروه توغریدن توغری نشانگه آلینمهگن.
امریکه تشقی ایشلر وزیرلیگی 2014-ییل ترورچیلر بارهسیدهگی گزارشنی جمعه کونی نشر قیلدی.
مذکور گزارشده اوشبو ییل 2013- ییلگه قره گنده افغانستان و عراقده ترورچیلیک فعالیتلر آشگن.
شونینگدیک گزارشده افغانستان هنوزگه ترورچیلرنینگ جدی تهیدیگه دوچار بولگنی قدی ایتیلگن.
طالبلر و حقانی ترور ترماغینینگ هجومچلری هنوزهم پاکستانده پلانلشتیریلیشی ایتیلهدی.
امریکه تشقی ایشلر وزیرلیگی نینگ 2014- ییلدهگی گزارشیده قید ایتیلیشیچه، پاکستان دولتی تامانیدن اوتکزیلگن عملیاتلرگه قرهمسدن، ایریم ترورچی گروهلر جملهدن لشکر طیبه بو مملکتده ایرکین صورتده فعالیت قیلهدی.
گزارشده، لشکر طیبه پاکستان مالی همکارلیگی بیلن آزاد شکلده تبلیغ قیلب عسکر آلیش اوچون سعی وحرکت قیلهیاتگنی یازیلگن.
امریکه تشقی ایشلر وزیرلیگی مذکور گزارشده، هنوزگچه هم پاکستان عملده بو توغریده ایش قیلمهگن لیگینی قید ایتگن.
امریکه تشقی ایشلر وزیرلیگی نینگ گزارشیده ترورچیلر بارهسیده یازیلیشیچه، القاعده افغانستان و پاکستانده خلق اراکوچلر، افغان ملی کوچلری و پاکستان آرقهلی نابود ایتیلگن، بو گروه حاضر ایسه اونچهلیک ایرکین صورتده فعالیت قیلهآلمیدی.
اما، گزارشده بو گروه نینگ فعالیتی هنوز هم مملکتنینگ ایریم حدودلریده دوامی بارلیگی رد ایتیلمهگن.
امریکه تشقی ایشلر وزیرلیگی مذکور گزارشنی، افغانستان حکومتی هر دایم پاکستان دولتی دن ترورچیلرگه قرشی کورهشیشده عملده همکارلیک قیلیشنی سورهگن بیر پیتده نشر قیلماقده.
افغانستان جمهور رییسی محمد اشرف غنی اپریل آییده پاکستان حکومتیدن او مملکت تورمهسیده سقلنهدیگن طالبلر رهبرلرینی افغانستان حکومتیگه تاپشیریشنی سورهگن ایدی.
