سیلاولر ایرکین کمیسیونینینگ باشلیغی احمد یوسف نورستانی، سیلاولر تیزیمیگه اصلاحات کیریتیش خصوصیده جمهور رییسنینگ فرمانینی ناقونی بیلیب ایتیشیچه، جمهور رییس ملی کینگش رخصتیگه کیتگن بیرچاغده تقنینی فرمان صادر ایتهآلهدی.
جناب نورستانی اوشبو مطلبنی، تیزلیکده وظیفهسیدن چیتنلتیریلهدیگن بیرچاغده بیان ایتگن.
جمهور رییسنینگ فرمانی اساسیده، تنلش کمیته 27 کیشینینگ سیلاولر کمیسیونیده اعضا بولیش اوچون جمهور رییسگه تکلیف قیلهدی و جمهور رییس بو جملهدن 9 کیشینینگ سیلاولر ایرکین کیمسیونی اعضاسی صفتیده تصدیقلهیدی.
سیلاولر ایرکین کمیسیونینینگ باشلیغیگه کوره، حکومت اصلاحات کیریتیش بهانهسی بیلن کمیسیوننینگ ایچکی مسئلهلریگه ارهلشمسلیگی لازم. اونینگ کوپهیتیریشیچه، حکومت، بیرلشگن ملتلر تشکیلاتی و قطار ایلچی خانهلرنینگ رسمیلری اوز منفعتلری اوچون، افغانستان قانونلرینی نقض قیلهدیلر.
نورستانی، نمایندهلر کینگشی و تومنلر کینگشی سیلاولری اوتکزیلیش زمانی آرتده قالیش دلیلینی مذکور رسمیلرنینگ ارهلشی دییدی. جناب نورستانی، جمهور رییسدن تیزلیکده مذکور کیشیلرنینگ باشقریشینی سورهدی.
نمایندهلر کینگشی و تومنلر کینگشی سیلاولری اوتکزیلیشی توغریسیده جناب نورستانینینگ ایتیشیچه، اوشبو مسئله توغریسیده اجرهتیلهدیگن بودجه تیزلیکده اولرنینگ اختیاریده قوییلمسه، اوشبو سیلاولر یولگه قوییلمهیدی.
اونینگ کوپهیتیریشیچه، 28- میزاننی سیلاولر اوتکزیلیشی اوچون تعیین ایتگن و ایکی کوندن سونگ، جاری ییل دلو آییگچه حکومتدن 50% بودجه سورهگن، بیراق حاضرگچه ایستکلریگه جواب بیریلمهگن.
اجراییه ریاستی سوزلاوچیسی اورین باسری جاوید فیصلنینگ بو توغریده سلاموطندارگه ایتیشیچه، سیلاولر کمیسیونلریده اصلاحات کیریتیلیشیدن آلدین، حکومت بو کمیسیونلرگه بودجه بیرمهیدی.
جناب فیصل، حاضرگی سیلاو کمیسیونینینگ ناقانونی بیلیب ایتیشیچه، کیلهجک سیلاو ینگی کمیشنرلر تامانیدن یولگه قوییلهدی.
