.jpg)
تشقی ایشلر وزیرلیگینینگ ملازمی عبدالله خداداد و مدنی فعال طارق شجاع بیش کوندن سونگ طالبلر قولیدن آزاد ایتیلدی. طالبلر بو شخصلرنی بغلان – اندراب یولیده اوغیرلهگن ایدیلر.
اوشبو شخصلر بوگون قوم یاش اولوغلری و آقسقاللر واسطهچیلیگی بیلن طالبلر بندیدن آزاد ایتیلگنلر.
اوز نامی سیر سقلهنیش بیلن سلاموطندارگه سوزلهگن عبدالله خدادادنینگ یقینلریدن بیری، طالبلر بغلان ولایتینینگ ملی مجلسدهگی اعضاسی محیالدین مهدیدن اوغلی آزادلیککه چیقاریلیشی اوچون طالبلرنینگ ایکی اعضاسی پلچرخی تورمهسیدن آزاد ایتلیشینی سورهگنلر دیگن.
.jpg)
اما، جناب مهدی ، طالبلرنینگ بو ایستهگی بیر نمایندهنینگ قولیدن کیله دیگن ایش ایمسلیگینی ایتگن.
هنوزگچه هم بو ایکی کیشینینگ نیمه اوچون اوغیرلنگنلیگی سببی انیق لنمهگن.
افغانستان خلقی بیرینچی بار طالبلر تامانیدن اوغیرلنمهگن. بوندن نیچه کون آلدین فاریاب ولایتینینگ خواجه سبزی پوش تومنیدهگی «ریگریش» منطقهسیده میمنه شهریدن کیلهدیگن 404 و بیر سراچهنی توختهتیب 50 نفر یولاوچیسینی اوغیرلهن ایدی.
