هلمند ولایتی امنیتی رسمیلری نینگ ایتیشیچه، سنگین تومنی پولیس قومندانلیگینینگ سرپرستی و باشقه اونلرچه عسکر همراهلیگیده، مذکور تومننی قوراللی طالبلرگه تاپشیریشگه قصد قیلگن ایکن.
سنگین تومنینینگ پولیس قومندانی محمد نبی، ایکی کون آلدین، بویروغیده بولگن برچه کیشیلر بیلن بیرگه، مملکت حربیسی و تشقی کوچلر تامانیدن قورالدن بوشهتیلگن.
بیراق، هلمند ولایتینینگ پولیس قومندانی عبدالرحمن سرجنگنینگ ایتیشیچه، مذکور کیشیلر مملکت حربی کوچلری بیلن پولیس کوچلری اورتهسیده توقنهشوو یوزبیرگنی باعث، قولگه آلینگن؛ اوشبو توقنهشوو نتیجهسیده، پولیس عسکرلریدن بیری هلاک بولگن.
جناب سرجنگنینگ ایتیشیچه، حاضر مذکور کیشیلر شوراب حربی قرارگاهسیده نظارتگه آلینگن و شونینگدیک ایکی تامان قیینچیلیگی حل بولگن. تیزلیکده مذکور 30 کیشی وظیفهلریگه قیتهدی.
جناب سرجنگگه کوره، حاضر سنگین تومنی قوراللی طالبلردن تازهلنیش اوچون، کینگ حربی عملیات دوام ایتهیاتگن و دولتی کوچلر طالبلرنینگ نظارتیده بولگن منطقهلرگه تامان آلغه بارماقده.
بیراق، آتی فاش ایتیلیشینی ایستمهگن منبعنینگ سلاموطندارگه ایتیشیچه، سنگین تومنینینگ پولیس قومندانی و بویروغیده بولگن کیشیلر بوندن آلدین، هلمند طالبلری بیلن علاقه قوریب و اولرگه حربی جهازلرنی ساتگن.
شونینگدیک، کمیده ایکی آی آلدین، سنگین تومنیده، 65 حربی عسکر طالبلرگه قوشیلگن ایدی. دیمک مملکتده حربی و پولیس کوچلرینینگ خیانتی توغریسیده بیللی بیر قانون موجود ایمس، بیراق حاضرگچه کوپینچه حربی دوسیهلر مملکت حربی رسمیلری اورتهسیده حل بولیب و هیچ کیم پرده آرقهسیدهگی واقعهلردن خبر بولمهگن.
