بوگون (شنبه) افغانستان اخبارات و مدنیت وزیرلیگیده اوتکزیلگن ییغینده اشتراک قیلیب سوزلهگن بالهلر اویی مسوولی اجمل تورمان، بو اوی تورت ییلدن بیری فعالیتی بولگن لیگینی ایتهدی. بو، اویده حیات کیچیرهدیگن بالهلر شعر، قصه و مقاله یازهدیلر.
شونینگدیک جناب تورمان، افغانستان حکومتیدن بالهلر ادبیاتی عالی تحصیلات همده معارف وزیرلیگینینگ درسلیگیگه کیریتیلیشینی سورهگن.
باشقه تاماندن مملکت اخبارات و مدنیت وزیری عبدالباری جهانی همده معارف وزیرلیگینینگ سوزلاوچیسی مجیب مهردادلرگه کوره، هنوزگچه هم افغانستانده بالهلر ادبیاتی اوچون هیچ ایش عملگه آشیریلمهگن.
باشقه تاماندن جمهور رییس غنینینگ فرهنگی مصلحتچیسی اسدالله غضنفرنینگ مذکور ییغینده ایتیشیچه، خانهدانلر اوز بالهلریگه حرمت و اهمیت بیرگن بیر پیتده جامعه رواجلنهدی.
شونینگدیک جناب عضنفر، افغانستانده بالهلر ادبیاتی رواجلهنیشی اوچون جدی اعتبار قرهتیلیشی اوچون تاکیدلهگن.
عین حالده، ییغینده اشتراک قیلگن حکومتنینگ رسمیلری، بالهلرنی حمایت قیلیووچی صندوق ایجاد ایتیلگنلیگینی خوش قرشیلهگنلر. شونینگدیک رسمیلر، افغانستانده بالهلر ادبیاتی رواجلهنیشی اوچون هر تامانلمه سعی وحرکت قیلیشلری توغریسیده سوز بیگرگنلر.
