افغانستان تشقی ایشلر وزیری صلاح الدین ربانینینگ ایتیشیچه، تینچلیک تورت تامانلمه اویغون گروهی جاری میلادی ییل فبروری آیینینگ آخریگچه طالبلر بیلن یوزمه- یوز اوتکزیلهدیگن بیرینچی ییغین یولگه قوییلیشی خصوصیده سعی و حرکت قیلماقده.
بوگون (سهشنبه) کابلده افغانستان تینچلیک تورت تامانلمه اویغون گروهینینگ تورتینچی ییغینیده جناب ربانینینگ ایتیشیچه، افغانستان اوروشیده برچه توقنهشووچی گروهلر حکومتگه قوشیلیشی خصوصیده، یخشی فرصت یرهتیلگن.
افغانستان تینچلیک سوزلشوولری تورت تامانلمه اویغون گروهینینگ سونگی اولتیریشیده، تینچلیک ریجهسی عملی بولیشیگه قوشیمچه، طالبلر ارا اوتکزیلهدیگن سوزلشوولرنی زمانی بیللی بولیشی خصوصیده بحث اوتکزیلیشیگه قرار قیلینگن.
ربانینینگ ایتیشیچه، تینچلیک یالغیز افغانستان یشاوچیلرینینگ ایستهگی ایمس، بلکیم منطقه برقرارلیگی خصوصیدهگی طلبلر هم بولگن و دولتگه قرشی قوراللی عصیانچیلر حکومتگه قوشیلمهگن صورتده، نابود ایتیلهدی.
اونینگ ایتیشیچه، تینچلیک سوزلشوولری شونچه مدتده یخشی نتیجه بیرگن، جملهدن سوزلشوولر خصوصیده چهارچوبه تصدیقلنیشی، تینچلیک ریجهسی تیارلهنیشی و طالبلر بیلن یوزمه- یوز سوزلشوولر کیلیشوولریدن عبارت.
افغانستان، پاکستان، امیریکه و چین اورتهسیدهگی تورت تامانلمه اویغون گروهینینگ بیرینچی- اوچینچی ییغینی پاکستان پایتختی اسلامآباد ده و ایکینچی- تورتینچی ییغینی کابلده اوتکزیلدی.
اوشبو گروهنینگ اعضاسی کمیده ایکی هفته آلدین، اسلامآباد ده اوتکزیلگن اوچینچی ییغینده، تینچلیک یولی ریجهسی اوستیگه کیلیشگن ایدیلر.
تینچلیک کینگشینینگ ینگی اعضاسی رسمی شکلده تانیشتیریلدی
افغانستان حکومتی، بوگون (سهشنبه) پیر سیداحمد گیلانینینگ باشلیغ صفتیده و محمدکریم خلیلی، حاجی دینمحمد، حبیبه سرابی، مولوی عطاءالرحمان سلیم، مولوی خبیر اوچقون و مولوی خدام نی تینچلیک عالی کینگشینینگ اورین باسرلری صفتیده تانیشتیردی.
شوندهی بیرحالده، حکومت تینچلیک کینگشی رهبرلیک هیأتینینگ تانیشتیرهدی کیم، دنیا جماعهچیلیگی اوشبو کینگشده باشلیغ بولمهگنی باعث، یاردملرینی کیسگن ایدی.
مذکور کینگش هیأت رهبرلیگی اعضالرینینگ تانیشتیریش مراسمیده افغانستان جمهور رییسی محمداشرف غنینینگ ایتیشیچه، تینچلیک افغانستان دولتی و یشاوچیلرینینگ ایستهگی دیر.
جناب غنی، تینچلیک عالی کینگشی موجودلیگینی جدی نیازلردن بیلیب و مملکت سابق جمهور رییسی حامدکرزی دن، اوشبو کینگشنینگ تشکیل ایتگنیدن منتدارلیک بیلدیردی.
جمهور رییس غنینینگ ایتیشیچه، تینچلیک عالی کینگشی حاضرگچه 40 اعضاسینی تینچلیک یولیده قولدن بیرگن.
تینچلیک سوزلشوولری حاضرگچه حکومت تامانیدن باشقریلگن و اوشبو لایحهده مذکور کینگش قندهی بیر رول اوینهشی معلوم ایمس.
