افغانستان معارف وزیرلیگی مذکور وزیرلیکنینگ اداری تیزیمی کمپیوتر بیلن جهاز لهنیشی بارهسیده سعی و حرکت قیله دی.
معارف وزیرلیگینینگ بلند مرتبهلی رسمیلری، اوشبو وزیرلیک معلوماتی ادارهلری نینگ تکنالوژی مرکزی لایحهسینینگ ایکینچی باسقیچی مناسبتی بیلن اوتکزیلگن ییغینده، مذکور سیستم عملگه آشیریلیشی بیلن مملکت تعلیم و تربیه ساحهسیده قُولیک لیک کیله دیگنلر.
مملکت معارف وزیری اسدالله حنیف بلخی، مذکور لایحه لرنینگ سیناولی باسقیچیده ولایت لرنینگ معارف اداره سی باشلیغ لری بیلن ویدیو صحبت قیلگن.
ایتیلیشیچه، مذکور مرکز آرقهلی حاضر و غیر حاضر ملازملر قونت بیلن تیکشیریلهدی. شونینگدیک کاغذ تیجلهلیشی و ولایتلرگه شهادت نامهلرنی ییتکزیش آسیان بولهدی.
معارف وزیرلیگی تکنالوژی مرکزینینگ باشلیغی احمدشاهنینگ ایتیشیچه، مذکور برنامه اوچ باسقیچده عملی بولهدی. بیرینچی باسقیچده ولایتنینگ کابلدهگی ریاستلرینی مرکزگه باغلیدی و ایکینچی باسقیچده ولایتلردهگی ریاستلر وزیرلیک بیلن اولنهدی و سونگی باسقیچده ولسوالیکلر مدیریتی مرکز بیلن باغلنهدی.
جناب احمدشاه بیرینچی باسقیچده 2.7 میلیون دالر و ایکینچی باسقیچده 2.2 میلیون دالر صرفلهنیشی انابتگه آلینگن دیگن.
افغانستان معارف وزیرلیگینینگ مسووللریگه کوره، اوتگن ییل 150 مکتب ینگی سیستمگه کیریتیلگن و جاری ییلده هم 150 مکتب بو سیستمگه قوشیلیشی نظرده توتیلگن.
شونینگدیک مذکور ییغینده اشتراک قیلگن مخابرات و تکنالوژی وزیرلیگینینگ اورین باسری ایمل مرجاننینگ بیلدیریشیچه، بو توغریده معارف وزیرلیگی بیلن امضالنگن شرطنامه اساسیده اوتگن ییل 100 مکتبگه 5000 کمیپوتر ترقهتیلگن.
عین حالده، مخابرات و تکنالوژی وزیرلیگینینگ رسمیلری یقین کیلهجکده هم 120 مکتب اوچون کمپیوتر و لابراتوار اسکونهسی ترقه تیلیشی نظرده توتیلگن دیگنلر.
