مقدس نانوشته مراسمیده امیریکه جمهور رییسی تامانیدن تبت بوداییلرینینگ مذهبی رهبری دالایی لامانینگ آلقیشلهنیشی، چین رسمیلری بیلن قطار میدیالرنی غضبلنتیردی.
تبت بوداییلرینینگ اجرهلیشنی ایستهیدیگن تانیقلی رهبرلریدن بیری دالایی لاما، میلادی 1959- ییل تکرارسیز قیامنی ریجهلهگنی باعث، هند ده سورگون لندی. اوشبو سورگونلگن رهبر واشینگتنده اوتکزیلگن ییللیک مقدس نانوشته ییغینیده اشتراک ایتیب، اوباما تامانیدن آلقیشلندی. امیریکه جمهور رییسی، دالایی لامادن ایرکینلیک و انسانی کرامت علاقهداری صفتیده ایسلهدی. دیمک اوباما، بوداییلرنینگ، اوشبو رهبری بیلن ایرکین شکلده اوچرهشمهگن، بیراق سوزگه چیقگن جاییدن لاماگه تامان بویین اینگیب و اونی صمیمی دوستیم دیگن.
اوشبو آلقیشدن کیین، چین تشقی ایشلر وزیری، چین حکومتی هر بیر مملکت تبت مسئلهسیدن فایدهلنیب، چیننینگ ایچکی ایشلریگه ارهلشگن صورتده، اونگه قرشی توختهشینی ایتگن.
چیننینگ، حکومتی خبرنامهلریدن بیری شینهوا ده یازیلگن مقالهده، دالایی لاما بیلن اوباما سوزلری توغریسیده ایتیلیشیچه، امیریکه جمهور رییسی بیلن تبت سورگونلی رهبری اورتهسیدهگی هر قندهی اورتاقلیک علاقه، سیاسی و سلبی نتیجهلر بیلن بیرگه بولهدی. شونینگدیک، اوشبو مقالهنی بیر قسمیده اورغولنیشیچه، «اولر (اوباما بیلن دالایی لاما) اورتاق صفتیده یالغیز اوزلرینی دنیاگه تانیشتیرهدی، بیراق اوشبو اورتاقلیک آرقهسیده، سیاسی بحثلر و کیلیشوولر دوام ایتهدی.»
اوشبو خبرنامهنی باشقه بیر مقالهسیده کیلیشیچه، امیریکه تبت جدایی طلبلرینی ترغیب ایتیب، چین اوچون معما ایزلهیدی و قوشمه ایالتلر هیچ قچان چین بیلن بولگن علاقهسیگه صادق بولمهگن.
تبت بوداییلرینینگ، دینی و تیریکچیلیک حرکتی، چیننینگ باشقه منطقهلریگه قرهگنده فرقلی بولگن و اوشبو مسئلهلر بیلن دالایی لامانینگ سورگونی، چین حکومتیدن تبت خلقینینگ ناراضیلیکلریگه سبب بولگن.
بوندن آلدین، امیریکه قوشمه ایالتلرینینگ جمهور رییسی، تبت رهبری بیلن ایکی مرته 2011- و 2014- ییللرده اوچرهشگن، عین حالده بو بیرینچی مرته کیم، ایکی تاماندن بیری خلق حضوریده بوندهی آلقیشلنهدی.
بوندن آلدین، بجینگ تامانیدن جنوبی آفریقا و واتیکان مملکتلری باسقین آستیگه آلینگنی باعث، دالایی لامانینگ تینچلیک نوبل ساورین مراسمیده اشتراک ایتیشی و دنیا کاتولیکلرینینگ رهبری پاپ فرانسیس بیلن اوچرهشیش نیتیده بولگن ویزهسی، مذکور مملکتلر تامانیدن رد ایتیلگن ایدی.
