.jpg)
بغلان ولایتی عیاللر ریاستی مسؤوللرینینگ ایتیشیچه، مذکور کیشی اوتگن کیچه تورموش اورتاغینی بوغیب اولدیرگن.
بغلان ولایتینینگ عیاللر ریاستی باشلیغی خدیجه یقیننینگ سلاموطندارگه ایتیشیچه، پلخمری شهری «قول کرکر» منطقه یشاوچیسی بولمیش اولدیریلگن عیالنینگ تورموش اورتاغی اوشبو ولایتده خوفسیزلیگی تأمینلنگن اوینینگ قوروقچیسی ایکن. بغلان ولایتی عیاللر ریاستی مسؤوللریگه کوره، اولدیریلگن عیالدن بیش باله قالگن.
اوشبو خبرنی تصدیقلگن بغلان پولیس قومندانلیگی مطبوعات آمری ذبیحالله شجاعنینگ ایتیشیچه، قاتل محلدن قاچیب کیتگن و پولیس اونی قولگه آلیش اوچون تیرگاو باشلهگن. جناب شجاعگه کوره، قتل سببی حاضرگچه بیللی بولمهگن.
بغلان محلی رسمیلرینینگ ایتیشیچه، اولدیریلگن عیالنینگ جسدی بوگون ایرتهلب پولیس تامانیدن پلخمری ولایتی کسلخانهسیگه ییتکیزیلگن.
بغلان ولایتی ساغلیقنی سقلش ریاستی اورین باسری داکتر عبدالعلیم غفارینینگ ایتیشیچه، مذکور عیالنینگ تنهسیده کلتک و یرهلی نشانهلر کورینهدی.
