بامیان ولایتی‌نینگ یکاولنگ تومنی‌ده 15 ییل آلدین طالب‌لر تامانیدن قتل ایتیلگن قربان‌لر خانه‌دانی‌نینگ ایتیشیچه، ملی بیرلیک حکومت افغانستان خلقی‌نینگ قاتل‌لری برابریده بویین ایگمس‌لیگی لازم.
قویاش 1379- ییل 19- جدی، طالب‌لر بامیان و یکاولنگ‌نی نظارت‌گه آلگنی‌دن کیین، 387 دن 600 گچه تینچ اهالی‌نی توپلم شکلده مذکور تومن‌ده آتیب اولدیرگن.
اوشبو واقعه قربان‌لری‌نینگ خانه‌دانی، اوتگن (سه‌شنبه کون)، کابینه وزیرلری و مجلس نمایندهلریدن بیرقطاری‌نینگ حضوریده، مذکور قربان‌لردن نشانلش مراسم اوتکزدی. اولر حکومت‌دن درک‌سیز قربان‌لرنینگ خانه‌دانی‌گه جدی شکلده دقت قیلیب و قاتل‌لرنی تانیب، محکمه‌گه تارتیشینی سوره‌دی.
مجلس نمایندهلریدن بیری احمد بهزاد، افغانستان‌ده بونده‌ی قتل‌لر تکرارلنیشی‌نی انسان حقوقی‌گه دقت‌سیزلیک دیب بیله‌دی. اونگه کوره، حکومت باشلیغ‌لری تامانیدن بونده‌ی قاتل‌لیک‌لر باشقریلمه‌گن صورتده، بو واقعه‌لر کوپه‌ییشی ممکن.
جناب بهزادنینگ ایتیشیچه، «انسان‌لر حقوقی خصوصیده بی فرق یانده‌شیش و انسانی کرامت‌نی آیاق آستی قیلیش تاریخ دوامیده بو یورت‌ده شونچه‌لیک کوپ یوزبیرگن کیم، یوز آدم‌نی توپلم شکلده اولدیریش هیچ کیم‌نینگ کوزی‌گه مهم حادثه کورینمه‌یدی».
اونینگ ایتیشیچه، بونده‌ی واقعه‌لردن نشانلش انسان حقوق‌لری توغری‌سیده خلق‌نی آگاه لنتیریب و حساس قیله‌دی.
باشقه تاماندن، اوشبو مراسم‌ده حضور کیلتیرگن نماینده‌لردن باشقه بیرقطاری، افغانستان تینچ‌لیک سوزلشوولری خصوصیده، افغانستان، پاکستان، امیریکه و چین اورته‌سیده اسلام آباد ده اوتکزیلگن تورت تامانلمه اولتیریش‌نی خوش قرشی لگن‌لر.
اوشبو تورت مملکت نماینده‌لری، اوتگن (دوشنبه کون) افغانستان تینچ‌لیک سوزلشوولری قنده‌ی‌لیگی توغری‌سیده اسلام آباد ده اوچره‌شگن و اوشبو اوچره‌شوولرنی سونگی دوری کابل‌ده یولگه قوییلیشی خصوصیده قرار قیلینگن.
بیراق، افغانستان انتقالی عدالت گروهی اعضالریدن بیری عبدالله احمدی‌نینگ ایتیشیچه، تینچ‌لیک سوزلشوولریده عدالت و قربان‌لر خانه‌دانی‌نینگ حقوقی کوزگه توتیلیشی لازم. اونگه کوره، سوزلشوو اشتراکچی‌لری، افغانستان خلقی‌نینگ برابریده جواب بیریشی کیره‌ک.
جناب احمدی‌نینگ ایتیشیچه، «تینچ‌لیک‌ده عدالت قربان، ارزش‌لر آیاق آستی و مملکت‌نی بیر یریم دهه‌لیک یوتوقلری کوزگه توتیلمه‌گن صورتده، تینچ‌لیک ایمس، بلکیم مملکت‌ده باشقه قیین‌چیلیک‌لر اساسی دیر».
