.jpg)
مملکت شمال شرقی‌ده‌گی امنیتی بلند مرتبه‌لی رسمیلر، تاجیکستان جمهوریتی چیگره‌سی‌ده جایلشگن درقد تومنی‌نینگ اسلام آباد قیشلاغی قوراللی طالب‌لر تصرفیدن آزاد ایتیلگنی باره‌سی‌ده خبر بیرماقده‌لر. اولرگه کوره، مذکور تومن بوتونلی جنگریلردن تازه‌لنگونگه قدر عملیات دوام ایته‌دی.
عملیات افغان ملی قوشین‌لری‌نینگ هوا کوچلری همکارلیگی بیلن اوتکزیلماقده. اوروش دوامی‌ده هنوزگچه جنگری طالبلرنینگ 20 ته سی اولدیریلگن. ایتیلیشیچه، افغان ملی کوچلری‌نینگ بیر حربی‌سی هلاک بولیب و باشقه تورته‌سی یره‌لنگن.
مملکت شمال شرقی‌ده ملی اردونینگ قوماندانی محی‌الدین غوری‌نینگ سلام‌وطندارگه ایتیشیچه، قوراللی طالب‌لر آغیر تلفات بیریش بیلن مذکور قیشلاق‌دن آرتگه چیگینگ‌لر.
درقد تومنی‌نینگ قوراللی طالب‌لردن تازه‌لش حربی عملیات بوندن بیر آی آلدین باشلگن ایدی. افغان ملی کوچلری اوشبو ولسوا‌ل‌لیک‌نی بوتونلی اوز تصرف‌لریگه آلیش اوچون سعی حرکت قیله‌دی.
.jpg)
تخار ولایت امنیه قوماندانی نور محمد حکیم نینگ بو توغریده ایتیشیچه، قوراللی طالب‌لر قاچیش یول تاپه آلمه‌گن لیکلری‌سبب مذکور یول‌نی باسیب اوته‌دیگن منطقه‌لرگه ماین اورنتگن‌لر. انه شو سسب عملیات ملی کوچلر اوچون قیینچ‌لیککه روپه‌ره بولگن دیدی حکیمی.
شونینگ‌دیک امنیتی یوقاری مرتبه‌لی رسیمی، قوراللی طالب‌لر اهالی‌نینگ یشش اویلریگه کیریب آلگن دیگن. جنگریلر اهالی‌نی قلقان صفتی‌ده فایده‌لنگن.
ملی اردو اورین باسری و اوشبو عملیات نینگ قوماندانی مرادعلی مراد، عملیات درقد تومنی بوتونلی شکل‌د‌ه جنگریلردن تازه لنمه‌گونگه قدر دوام ایتیشی توغریسی‌ده تاکیدله‌گن.
درقد تاجیکستان چیگره‌سی یقنیده جایلشگن حدود لردن سنه‌له‌دی. ایتیلیشیچه، قندوز ولایتی‌ده‌گی جنگری طالب‌لر حربی باسیم آستی‌گه آلینیشی نتیجه سی‌ده درقد تومنی‌گه قاچیب اوتگن‌لر.
