ان،بی،سی خبرنامهسی گزارشی اساسیده، مکزیک تاریخیده اینگ کته و خطرلی جنایتچی و شونینگدیک دنیانینگ مخدره ماده قاقچیلر مافیاسی باشلیغی ال چپو، اوتگن کیچه مکزیکنینگ لوس میکوس شهریده قولگه آلینگن.
جناب ال چپو، اوتگن ییل جولای آییده، التی پلانوی مکزیکوسیتی فوق امنیتی تورمهسیدن بیر کیلومترلیک تونل قازیب قاچگن ایدی. او قاچگنیدن کیین، مکزیک امنیتی کوچلری مکزیک پایتختی و باشقه نیچه شهریده نیچه ایزلش عملیات یولگه قویدی؛ بیراق انچه پیتدن کیین، ایزلش عملیات مسؤولیتی مکزیک دینگیز کوچلریگه تاپشیریلدی.
مکزیک دینگیز کوچلری دینگیز آستیگه یورهدیگن ماشینهلریدن فایدهلنیب، لوس میکوس شهریده بیر اویگه یقینلشهدی و نیچه ساعتلیک توقنهشووده کیین، جناب ال چپونینگ بیش قوراللی قوروقچیسینی اولدیریب، مذکور کته قاچاقچینینگ قولگه آلیشگه مؤفق بولهدی.
مکزیک دینگیز کوچلریگه کوره، ال چپونینگ قیته قاچیشی باشقریلیشی اوچون، مکزیکوسیتی پایتختیگه یوبارهدی.
ال چپو، ییر آستیدن تونل توزهتیشگه نابغه دییلهدی. ال چپونینگ قاچیشی مکزیک امنیتی کوچلری اوچون ننگ حسابلنهدی. مخدره ماده قاچاقی اوچون ریجهلنگن ییر آستیدهگی تونللرنی کوپینچهسیگه ال چپونینگ قولی بار.
جناب ال چپو کمیده 60 یاشیده بولگن و «سینا لوآ» ناملی مافیا گروهی باشلیغی دیر. او ینه بیر مرته میلادی 2001- ییل، کهنه کییملر سبدیگه یاشینیب، مکزیکوسیتی مرکزی تورمهسیدن قاچگن ایدی.
ایتیلیشیچه، ال چپونینگ مینگلرچه مکزیکیلیک حربی و ناحربی کیشیلرنینگ اولیمیگه قولی بار و اونینگ قضایی لایحهلریده مالی فساد، مخدره ماده قاچاقی، قورال قاچاقی، اوق آتیش کبی جرملر و باشقه نیچه کته و کیچیک جنایتلر رویخطگه آلینگن.
