روسیه تشقی ایشلر وزیری سرگی لاوروف، روسیهنینگ اوفا شهری بریکس گروهی اولتیریشیده ایتیشیچه، ایران هستهیی تحریمی تیزلیکده لغو ایتیلیشی لازم و بو مملکت تروریسم برابریده یخشی صورتده کورهشیشی کیرهک.
روسیه تشقی ایشلر وزیری، هستهیی کیلیشوودن کیین «لغو ایتیلهدیگن تحریملردن بیری» ایران هستهیی جهازلهنیش تحریمی لغو ایتیلیشی اوستیگه تاکیدلب ایتیشیچه، هستهیی کیلیشووگه یقینلشگن میز و ایران بیلن بولهدیگن مذاکرهده هیچ بیر قیینچیلیک قالمهگن.
جناب لاوروفنینگ کوپهیتیریشیچه، « کیلیشوو کیفیتی حاصلیدن کوره اونملی دیر» لازم بولگن صورتده، وینده اوتکزیلهدیگن مذاکره محلیده بارهدی.
بیراق لاوروفگه کوره، ایران بیلن هرقندهی کیلیشوو عملگه آشیریلیشی و تحریملر «وقتینچهلیک» بولیشی ممکن.
وینده اوتکزیلهدیگن ایران هستهیی جهازلهنیش مذاکرهسیده روسیهنینگ ییریک بحثچیسی، روسیه تشقی ایشلر وزیرلیگی اورین باسری سرگی یابکوفنینگ ایتیشیچه، بو مذاکره «چیگللی» مرحلهسیگه ییتیشگن، بیراق، برچه تامان ایران آرقهلی تکلیف بولینگن ریجه اوستیگه ایشلهماقده. جناب یابکوفنینگ ایتیشیچه، هستهیی کیلیشوو سونگی ساعتلرگه نتیجه بیریشی ممکن.
روسیه تشقی ایشلر وزیری اورین باسرینینگ بیلدیریشیچه، ایران هستهیی کیلیشووگه تیگیشلی مسئلهنی کته قسمی حل بولگن و باشقه نیچه کیچیک مرحله قالگن و مذاکره جریانیده جودههم چیگل بولیشی ممکن.
بوندن آلدین، ایران دولتیگه تیگیشلی «پرس تیوی» تلویزیون ترماغینینگ گزارش بیریشیچه، هستهیی مذاکرهلر مهلتی 13- جولای دن باشقه 4 کون تمدید بولیشی ممکن.
بیراق، رویترز کوندهلیگی «غرب دیپلماتلری» بیریدن نقل قیلیب، پرس تیوی تلویزیونینینگ هستهیی مذاکرهلر مهلتی تمدیدی توغریسیدهگی گزارشینی تکذیب قیلگن.
باشقه تاماندن، ایران جمهور رییسی حسن روحانی، بریکس گروهی و شانگهای تشکیلاتی اولتیریشلریده اشتراک ایتیش اوچون روسیه بارگن و پنجشنبهکون روسیه جمهور رییسی ولادیمیر پوتین بیلن اوچرهشیب بحث اوتکزگن.
جناب روحانی بو اوچرهشووده، 5+1 گروهی مملکتلر و ایران هستهیی کیلیشووی توغریسیده روسیهنینگ سعی و حرکتلریدن قدردانلیک بیلدیرگن.
ایران و آلتی قدرتنینگ هستهیی سوزلشوولرینی بو دوری حاضرگچه ایکی مرته تمدید بولگن. ایکی تامان جاری هفته سهشنبه کون کیلیشوو نتیجه بیریشی ایتیلگن ایدی؛ بیراق بو مهلت امیریکه قوشمه ایالت لری و اروپا اتحادیهسی تامانیدن جمعه کونگچه تمدید بولدی.
