جاپان باش وزیری شینزو آبه و هیروشیما شهرداری پنجشنبه کون 15- اسد هیروشیما شهری اوستیگه اویوشتیریلگن اتمی بمبدن خاطرلش مراسمیده، بوتون جهاندن هستهیی قوراللرینی یوقاتیشینی سورهدی.
ایکینچی دنیا اوروشی اداغیده جاپان اتمی بمباردمانی 70- ییللیک مراسمیده، دنیا بویلب یوز مملکت نمایندهلری اشتراک ایتکن.
بو مراسمده امیریکه قوشمه ایالتلری جاپاندهگی ایلچیسی و مذکور مملت تشقی ایشلر وزیرلیگی دنیا امنیتی و هستهیی قوراللرنی باشقریش اورین باسری روس گاتمولر حضور کیلتیرگن.
وال استریت ژورنال کوندهلیگینینگ گزارشیگه کوره، خانم گاتمولر امیریکه ییریک بیرینچی رسمیسی بولیب ناگازاکی و هیروشیما اتمی بمباردمان مراسمیده اشتراک ایتکن.
امیریکه قوشمه ایالتلری، میلادی 1945- ییل آگست آیی 6 سیده هیروشیما شهریگه اتمی بمب تشلهگن و اوندن اوچ کون اوتکنیدن کیین ناگازاکی شهریگه تشلهگن. اوشبو ایکی بمب، کمیده 220 مینگ کیشینینگ حیاتیگه نقطه قویگن ایدی.
اوشبو خاطرلش مراسم، هیروشیما شهریده توشگن بمب ایسلهنیب نیچه دقیقه تینچ توریش بیلن ایرتهلب ساعت 8:15 ده باشلندی.
اوشبو مراسمده شینزو آبهنینگ ایتیشیچه، یالغیز جاپان اتمی هجومگه قرار تاپکن و «هستهیی قورالسیز دنیا ایجاد ایتیلیشیگه یاردم بیرهدی». جاپان باش وزیرینینگ کوپهیتیریشیچه، بو توغریده دولتی و اوزی سعی و حرکت قیلماقده.
اونگه کوره، بو مسئله کیلهسی ییل هیروشیما شهریده دنیا بویلب 7 اقتصادی قدرت تشقی ایشلر وزیرلری اورتهسیده اوتکزیلهدیگن بحث موضوعلریدن بیری بولهدی.
باشقه تاماندن، آسیا جنوب شرق خلقلر بیرلیگی یا «آسهان» ایکینچی اولتیریشیده اشتراک ایتیش مقصدی بیلن مالزیا بارگن امیریکه تشقی ایشلر وزیری جان کرینینگ ایتیشیچه، هیروشیما اتمی بمباردمانی 70- ییل لیک مراسمی، ایران و دنیا قدرتلری هستهیی کیلیشوو اهمیتینی کوچلنتیرهدی.
اونینگ ایتیشیچه، امیریکه و باشقه مملکتلر جملهدن روسیه، هستهیی قورال کمهییشینی ایستهیدی.
