هلمند ولایتینینگ نهرالسراج، باباجی و مارجه ولسواللیکلرینینگ اهالیسی، قوراللی طالبلر تامانی اهالیدن مالیه جمعلش اوچون کمیسیون تعین قیلگن لیگینی ایتگنلر.
اهالی گهکوره، مذکور کمیسیونلر نیچه کوندن بیری اهالیدن مالیه ییغیشگه باشلهگن. مارجه تومنی قومی کینگشینینگ اعضالریدن بیری حاجی ظاهرنینگ سوزلریگهکوره، قوراللی طالبلر مذکور تومننینگ ایریم منقطهلریده فعالیت قیلیب و اهالینینگ بیر جریب ییریدن 100 کلدار آلهدی.
ولسواللیکنینگ باشقه بیر اهالیسی عبدالصمد، دولت تامانیدن 100 جریب ییر اهالیگه ترقهتیب بیریلگنیدن علاوه، جنگریلر تامانیدن ایکّی برابر ییر غضب ایتیلگن دیگن.
بو حسابگه قرهگنده، مذکور ولسواللیک اهالیسینینگ یالغوز 300 مینگ جریب ییری بار و بو ییرلر مالیهسی 30 میلیون کلدار بولهدی.
قوراللی طالبلر هلمند ولایت خلقیدن برق پولی ینه رُخام تاشینی ساتیش بیلن ییلده بیر میلیارد کلدار قولگه کیریتیشلری ایتیلهدی.
بوندن علاوه طالبلر هر بیر سالیق تولاووچیگه بوش اورنلی فورملر تولدیریش اوچون فورم بیرهیب، هر بیر فورمدن هم 3500 کلدار آلیشی ایتیلهدی. اهالی مذکور فورمنی آلیشدن باش تارتگن حالده، قوراللی طالبلر تامانیدن حبسگه آلینهدیلر.
شونینگدیک هلمند ولایت کینگشینینگ اورین باسری ملاعبدالمجید آخندزادهنینگ سوزلریگه کوره، طالبلر هلمند ولایتنینگ شمالی ولسواللیکلریده دولت آست قورمه لایحهلری جملهدن برق و عمومی یوللردن هم مالیه آلهدی و حاضر ایسه بو ایشنی ولایتنینگ جنوبی تومنلریده هم باشلهگن.
جناب آخندزادهگه کوره، قوراللی طالبلر اهالیدن زوردن قولگه کیریتهدیگن میلیونلب کلدارده، حربی جهازلر ساتیب آلهدیلر. او، جنگری طالبلرنینگ بو حرکتی آلدینی آلیش اوچون ملی کوچلرنینگ تفاوت سیزلیکده عیبلیدی جناب آخندزاده.
بو توغریده آلیب بارگن سعی وحرکتیمیزگه قرهمی، هلمند ولایت رسمیلری صحبت بیریشدن باش تارتدی.
ایتیلیشیچه، هلمند ولایتیده فعالیت قیله دیگن قوراللی طالبلر رُخام تاشی همده اهالیدن سالیق آلیش بیلن بیر ییلده بیر یریم میلیارد کلدار قولگه کیریتهدی.
