افغانستان مدافعه وزیرلیگی سرپرستی محمدمعصوم استانکزینینگ ایتیشیچه، هلمند اوروشی شدتلنگن.
بوگون (چهارشنبه) جناب استانکزینینگ بیر خبری ییغینده ایتیشیچه، اولر هلمند ولایتیدهگی قیینچیلیکلرنی قبول قیلهدی؛ بیراق هلمند وضعیتی میدیالرگه ایتیلهدیگن وضعیتگه قدر ایمس. اونینگ ایشانچ بیریشیچه، هلمند وضعیتی اینیقسه سنگین تومنی امنیتی کوچلر نظارتیده بولگن.
شونینگدیک، مدافعه وزیرلیگی سرپرستینینگ ایتیشیچه، هلمند ولایتینینگ ایریم منطقهلریده امنیتی کوچلر عملیاتی باشلنگن و تیزلیکده بو وضعیت اوزگریشی ممکن.
ایچکی ایشلر وزیری نورالحق علومی و استانکزینینگ ایتیشیچه، سنگین تومنیده حربی کوچلر بیلن پولیس کوچلری اویغونلیکده دشمنگه قرشی اوروشهدی.
ایچکی ایشلر وزیری، طالبلرگه قرشی اوروشده امنیتی کوچلر اویغونلیگی خصوصیده ایشانچ بیریب ایتیشیچه، کییم رنگی امنیتی کوچلر مقصدینی اوزگرتیرمهیدی و اولرنینگ برچهسی مملکت خوفسیزلیگی تأمینلهنیشی خصوصیده کورهشهدی.
عین حالده، هلمند یاشلری و توانمندلیک ترماغی بوگون کابلده اوتکزیلگن خبری ییغینده، هلمند ولایتینینگ حاضرگی وضعیتی توغریسیده خواطر بیلدیریب و جمهور رییسدن هلمند خصوصیده چاره تدبیر کوریشینی سورهگنلر.
اوشبو ترماغ اعضالرینینگ ایتیشیچه، حاضر هلمند ولایتینینگ بیش تومنی قوراللی طالبلر نظارتیده بولگن.
اوتگن (سهشنبه کون) هلمند ولایتی کینگشی نمایندهلرینینگ ایتیشیچه، سنگین دولتی کوچلر نظارتیدن چیقگن؛ بیراق مدافعه وزیرلیگی سرپرستی بو ادعالرنی رد ایتیب ایتیشیچه، هلمند ولایتینینگ هیچ بیر تومنی بوتونلهی قوراللی طالبلر نظارتیگه اوتمهگن.
استانکزی، میدیالردن هلمند اوروشینی حقیقی شکلده تصویرگه چیقاریشلرینی سورهدی. اونگه کوره، هلمند اوروشی تبلیغات دیر و دشمن منفعتیگه ایش قیلمسلیک کیرهک.
اونینگ ایشانچیگه کوره، مملکتدن دفاع قیلیش نه فقط دولتی کوچلر وظیفهسی، بلکیم یشاوچیلرهم سهمیه آلیشی لازم و اولر خلق حیاتینی قوتقریش اوچون اوشبو کوچلرگه همکارلیک قیلیشی کیرهک.
هلمند امنیتی وضعیتی توغریسیدهگی خواطرلر، اوشبو ولایتنینگ ایریم منطقهلریده طالبلر هجومی کوپهیگنیدن کیین شدتلندی. ینگیلیکده اوتگن (یکشنبه کیچه) جنگری طالبلر گروهی هجوم اویوشتیریب نتیجهده، مذکور ولایت سنگین تومنینینگ نظارتگه آلگن. اوشبو واقعه خصوصیده، ولایت رسمیلریدن بیرقطارینینگ آگاهلنتیریشیچه، هلمند امنیتی وضعیتی توغریسیده بی فرق یاندهشیلگن صورتده، اوشبو ولایت مرکزی لشکرگاه شهری هم سقوط قیلیشی ممکن.
