کینگش اوچ تصدی‌نینگ دولتی بولیش لایحه‌سینی تصویب قیلدی

نماینده‌لر کینگشی بغلان قندی، هلمند ساختمانی و آق تاغ شخصی تصدی‌لری نینگ دولتی بولیشی‌گه موافقت قیلدیلر.

وزیرلر کینگشی قراری اساسیده، اوشبو تصدی‌لر دولتی شرکت‌لرگه اوزگرگن و کوپینچه آواز بیلن نماینده‌لر کینگشی تامانیدن تصدیق‌لنگن.

هلمند ساختمانی تصدیسی سوو توغانی قوریش بوییچه اینگ فعال بولیب، سوو برق وزیرلیگی چهارچوبه‌سیده فعالیت قیلیب کیلماقده ایدی.

بوندن آلدین هم سوو برق وزیرلیگی بو تصدیلرنی دولتی بولیشی‌دن خبر بیرگن ایدی.

آق تاغ تصدیسی هم 1350- ییلی ایجاد ایتیلیب چینی ظرف‌لر، صابون و یاغ چیقاریش ایشی بیلن مصروف ایدی. مذکور تصدیده 4 مینگ‌دن آشه کیشی ایش قیلیب کیلماقد.

بغلان قند تصدیسی هم 1319-ییل آلمان مملکتی یاردمی بیلن ایجاد ایتیلیب، مملکت بوییچه شکر تولید قیله‌دیگن بیرینچی فابریکه بولگن. بو فابریکه 1370- ییل‌گه قدر فعال حصه آلیب کیلگن، اما ایچکی اوروشلر دلیل اوندن کیین فعالیت‌دن قالگن ایدی.

بو تصدیلر دولتی بولیشی 1392- ییلده مالیه وزیرلیگی تامانیدن هم تأیید بولگن ایدی، بیراق عمل‌گه آشیریلمس‌دن قالدی.

بوندن آلدین جمهور رییس غنی هم بو دولتی تصدیلر ایگه‌لری بیلن اوتکزگن اوچره‌شویده ایشلریده اوزگریش کیلیشی‌دن خبر بیرگن ایدی.