سنامجلسی اعضالریدن بیرقطاری، قندهار واقعه‌سی خصوصیده جمهور رییس‌نینگ، بی فرق یانده‌شیش‌گه عیب‌لب ایتیشیچه، او جنوبی ولایت‌لرگه دقت قیلمه‌یدی. اوتگن (سه‌شنبه کون 17- قوس) کیچ قورون ساعت 6 اطرافیده 11 خودکش هجومچی مذکور ولایت هوا قونالغه‌سی اوستیگه هجوم اویوشتیرگن، نتیجه‌ده کوپینچه مالی و جانی زیان ییتکیزگن‌لر.
اوشبو هجوم نیچه ساعت دوام تارتگن، نتیجه‌ده هوا قونالغه اطرافیده‌گی بنالر، بیلیم یورت‌لر و اویلر بوزیلگن و 54 دن آرتیق کیشی هلاک بولگن.
یکشنبه کونگی عمومی ییغینیده سناتورلر، واقعه تیکشیریلیشی خصوصیده قندهارگه بیر هیأت یوباریلیشینی سوره‌گن. سنامجلسی بیرینچی اورین باسری محمدعلم ایزدیارنینگ ایتیشیچه، اوشبو واقعه عامل‌لری تیزلیک‌ده تیکشیریلیب و اولر بیللی قیلینیشی لازم.
شونینگ‌دیک سنامجلسی اعضالریدن باشقه بیری رنا ترین‌نینگ ایتیشیچه، واقعه‌ده 35 باله هلاک بولگن. خانم ترین‌گه کوره، مذکور هوا قونالغه‌ده امنیتی کوچلر تامانیدن جدی شکلده چاره تدبیر کوریلگن ایکن، بیراق هجومچیلر قنده‌ی قیلیب ریجه‌لرینی عمل‌گه آشیرگن بیللی ایمس.
اونینگ ایتیشیچه، مذکور منطقه‌ده هجومچیلر جایلشگنی و جهازلری آلیب باریلگنی خصوصیده، جدی شکلده تیکشیروو عمل‌گه آشیریلیشی کیره‌ک.
ایچکی ایشلر وزیرلیگی معلوماتی اساسیده، امنیتی کوچلر بیلن طالبلر اورته‌سیده یوزبیرگن توقنه‌شووده 17 حربی، 4 پولیس و 14 تینچ اهالی یره‌لنگن. بیراق طالبلر اوشبو واقعه مسؤولیتی‌نی بوینیگه آلیب ایتیشیچه، واقعه نتیجه‌سیده نیچه تیک اوچر اوتگه یانگن و اونلرچه حربی عسکر هلاک بولگن.
