تینچ کونلردن بیریده «کبرا» ایش‌دن تالیب کیلگن و اویینی‌نینگ دروازه‌سینی آچگن چاغیده، قیزی‌نینگ سیسی‌نی ایشیته‌دی. کبرا، قیزی‌نینگ سیسی‌نی ایشیتگنی‌دن کیین، شاشیلیب منزلی‌گه کیره‌دی. بیراق ینه هم کونده‌لیک واقعه‌گه روپه‌ره بوله‌دی. بو مرته ایری، 16 یاشر قیزینی آیاق آستیگه آلیب و ییپ بیلن جانی‌گه قصد قیلگن.
کبرا، 25 ییل‌دن بویان ایری بیلن شونده‌ی بیر وضعیت‌گه یشه‌یدی. اونگه کوره، هر ایرته ایری‌نینگ، کلتَکی بیلن اویغانه‌دی و کیچه‌نی سوکیش ایشیتیش بیلن اوتکزه‌دی. اونینگ، سکیز فرزندی تورت اوغیل و تورت قیزی بار، کابل شهری‌نینگ کم‌بغل‌لر یشه‌یدیگن منطقه‌لریدن بیریده حیات کیچیره‌دی.
کبرا نینگ ایتیشیچه، اوزی و قیزلری اویدن چیقیب و مکتب بارگن‌لری باعث، ایری تامانیدن کلتک‌لنه‌دی و ایری، هر نرسه جمله‌دن قودیق ییپی، چوت و کلنگ‌دن ایش‌آلیب اولرنی جانی‌گه قصد قیله‌دی. کبرا نینگ، قول و آیاغی نیچه مرته ایری تامانیدن سیندیریلگن. او بیز بیلن صحبت‌لشگن چاغیده، سینگن ییرلری و یره‌لرینی کورستدی.
سونگی قضیه، ایری، قیزی مکتب بارگنی باعث، اونی پیپ لاین بیلن شونچه‌لیک اورگن کیم، بوتون عایله اعضاسی ینه سینگلی‌لری آیاق اوستیگه توره‌آلمس‌لیگی خصوصیده، ایشانگن ایکن. اوشه کون ایرته‌سی، کبرا نینگ، 16 یاشر قیزی اوزینی چادری بیلن آشخانه سقفی‌گه آسه‌دی.
کبرا نینگ ایتیشیچه، قیزی اولگنی‌دن کیین، ایری قماققه توشیب و بیش ییل حبس‌گه محکوم بولگن. شونینگ‌دیک 19 یاشر اوغلی، اوغیرچیلیک جرمی‌گه عیب‌لنیب، بیر ییل قماققه محکوم بولگن و حاضر عایله‌سی‌نینگ نان تاپری اوزی دیر.
کبرا نینگ ایتیشیچه، اوزی و فرزندلری ایری‌نینگ قوییب یوباریلیشی و اوی‌گه قیتیشی‌دن قورقه‌دی. کبرا، ایری قماق‌دن قوییب یوباریلگن صورتده، اونی اولدیریش‌گه قرار قیلگن؛ دیمک ایشانیشیچه، ایری او بیلن بو ایش‌نی قیلیشی ممکن.
حاضر کبرا، دولتی اداره‌لردن بیریده صفاکار صفتیده ایشله‌یدی و اونینگ ایتیشیچه، هر آی 6 مینگ افغانی آیلیک آله‌دی و بو پول بیلن عایله‌سی‌نینگ نیازینی تأمین‌له آلمه‌یدی.
