افغانستان ملی کریکت تیرمه‌جماعه‌سی‌نینگ اویینچی‌لریدن بیری شهزاد محمدی، دنیا بویلب اینگ یخشی اویینچی لقبی‌نی آلدی.
شهزاد محمدی، نه فقط افغانستان اویینچی‌لری، بلکیم بیرینچی و ایکینچی درجه‌لی بیلشوولرده اوینه‌یدیگن برند مکولم، ایبیدی ویلیزر و کریس گیل دیک اویینچی‌لرنی آرقه‌گه چیکیلتیردی.
ایتیلیشیچه، محمدی جاری ییل‌ده 297 چاپیشنی یکونلنتیریب، دنیا اویینچی‌لریدن ایلگری اوتگن.
شهزاد محمدی، دنیا بویلب 20 آوره‌لیک 11 اویین‌ده ملی تیرمه‌جماعه‌ده اشتراک ایتگن. او، افغانستان‌نی عمان برابریده‌گی سونگی بیلشوویده ویکت آلیش صفتیده اوینه‌دی و بو طریق‌دن دنیا بویلب شهرت قازانگن ایدم کلکرست، میت یرایر، کامران اکمل و نیل اویراین دیک اویینچی‌لرنی آرقه‌گه چیکیلتیردی.
عین حالده، دنیا 20 آوره‌لیک بیلشوولریده مملکت ملی کریکت تیرمه‌جماعه‌سیدن اصغر استانکزی 227 چاپیش قولگه کیریتیب، چاپه‌دیگن‌لر ایچیده ایکینچی مقام‌نی آلدی و سمیع‌الله شینواری، نجیب‌الله زدران، نوروز منگل، نبی عیسی‌خیل، عثمان غنی و شفیق‌الله شفق تیزیم شکلده هر بیری211، 172، 166، 165، 162 و 117 چاپیشنی قولگه کیریتیب سونگی مقام‌لرگه ایریشگن.
شونینگ‌دیک، توپ تشله‌یدیگن‌لر ایچیده، دولت زدران 13 ویکت قولگه کیریتیب ملی تیرمه‌جماعه‌ده بیرینچی درجه‌گه ایریشگن، بیراق دنیا رویخطی‌ده بیشینچی مقام‌نی قولگه کیریتگن و اوندن کیین، میرویس اشرف و نبی عیسی‌خیل هر بیری 8 ویکت، حمید حسن 7 ویکت و روشان بارکزی 6 ویکت بیلن سونگی درجه‌لرنی قولگه کیریتگن‌لر.
