افغانستان سنا مجلسی‌نینگ قطار اعضالری ملی بیرلیک حکومتی رهبرلریدن پارلمانی سیلاولر زمانینی بیللی قیلیش‌نی سوره‌گن‌لر و تنلاو کمیته‌سی اوچون هم مناسب شخص‌لر تانیشتیریلیشی‌نی طلب قیلگن‌لر.
افغانستان اساسی قانون‌گه موافق پارلمانی سیلاولر جاری ییل بهار فصلی ده اوتکزیلیشی کیره‌ک ایدی، اما حکومت رهبرلری اورته‌سیده موجود قرمه قرشیلیک‌لر پارلمانی سیلاولر اوتکزیلیشی اوچون توسیق بولگن.
بوگون سنا مجلسی‌نینگ ییغینی‌ده سناتورلر مملکت وضعیتی توغریسی‌ده تشویش بیلدیریب، افغانستان وضعیتی شونده‌ی دوام ایتگن حالده، پارلمانی سیلاولر نامعلوم وقتگچه اوتکزیلمس‌لیگی ممکن.
سنا مجلسی‌نینگ اعضالریدن بیری گل احمدعظیمی نینگ ایتیشیچه، وضعیت ایکی ییل شونده‌ی دوام تارگن تقدیرده سیلاولر اوتکزیلمس‌لیگی ممکن. او، جمهور رییس غنی‌دن تیزلیکده پارلمانی سیلاولر زمانینی تعین قیلیش‌نی طلب قیلگن.
سناتورلر شونینگ‌دیک تنلاو کمیته‌سی اعضالری بوتونلی طرف‌سیزلیگی باره‌سیده تاکیدله‌گن‌لر. تنلاو کمیته‌سی سیلاولرگه اصلاحات کیریتیش اوچون تانیشتیریلگن 21 کیشی دن 7 نفرینی تانیشتیریب تصدیق له‌نیشی اوچون جمهور رییس‌گه یوباریلیشی لازم.
مجلس اعضالریدن باشقه بیری فوزیه سادات‌گه کوره، تنلاو کمیته‌سی‌نینگ اعضالری هیچ بیر حزب اعضاسی بولمس‌لیگی لازم.
بوندن نیچه وقت آلدین افغانستان جمهور رییسی محمد اشرف‌غنی بیر فرمان صادر قیلیب سیلاولر مستقل کمیسیونیدن پارلمانی سیلاولر زمانی بیلگولنگونگه قدر رویخط‌گه آلیش سیلاولر ترغیات زمانی معلوم قیلیش‌نی سوره‌گن ایدی.
سیلاولر کمیسیونی‌نینگ اورین باسری عبدالرحمن هوتک‌نینگ بو توغریده ایتیشیچه، اوچ مرته یعنی بیرینچی 1395- ییل ایکینچی ثور، 18- ثور و سنبله آیی نینگ 17- سیده اوتکزیلیشی تعین قیلگن. اما ایریم دلیل‌لر جمله‌دن بودجه همده نابرقرارلیک‌لر سبب حکومت تامانیدن رد ایتیلگن.
