بادغیس ولایتی‌ده محلی بلند مرتبه‌لی رسمیلری مذکور ولایت‌نینگ بالامرغاب منطقه‌سیده «چپ قول»ده نا تانیش بیر اوچاق قونگن‌لیگی باره‌سیده خبر بیرگن‌لر.
بادغیس ولایتی کینگش باشلیغی محمد ناصر نظری‌نینگ سلام وطندارگه ایتیشیچه، چپ قول مذکور ولایت‌نینگ اینگ نابر قرار حدودلریدن سنه‌له‌دی. اونگه کوره، مذکور منطقه بوندن آلدین قورالی طالب‌لر اشغالی‌ده بولگن و حاضر ایسه داعش نظارتیگه اوتگن.
جناب نظری، بو منطقه‌ده کوپراق عرب، چیچنی و اوزبیکستان‌لیک جنگری‌لر جایلشگن دیگن.
شونینگ‌دیک بادغیس ولایت کینگشی باشلیغی، مذکور اوچاقنی قونگن‌لیگی بالامرغاب اهالی‌سی خواطرگه سالگن. اونینگ ایتیشیچه، مذکور مساله توغریسی‌ده ولایت رسمیلری و امریکه ایلچی‌لیگینی جریانگه قویگن، اما بولر هنوزگچه جواب بیرمه‌گن‌لر.
جناب ناصری، محل اهالی‌سی مذکور اوچاقنی تنیمه‌گن‌لر.
بو بیرینچی مرته داعش اشغالی‌ده بولگن حدودلر نا معلوم اوچاق قونه‌دی. بوندن آلدین هم افغانستان شمالی‌ده جنگری طالب‌لر نظارتی‌ده بولگن حدودده بیر تیک اوچر قونگنی خبر قیلینگن ایدی. ملی مجلس نینگ اعضالری حکومت‌گه قره‌شلی مذکور اوچاق طالب‌لرگه کومک ییتکزگن لیگینی بیلدیرگن ایدی‌لر.
