پاریس ترورچی‌لیک هجومچیسی عبدالحمید اباعود اولدی. اباعود اوتگن هفته پاریس شهری ده‌گی آلتی مرته اوق اوزیش و ایکی مرته پارتلش هجوم مسؤولی ایدی. بو هجوم‌لرده 125 دن آشه کیشی هلاک و 200 کیشی تن جراحت آلگن ایدی.
بیرینچی پارتلش فرانسه ملی استدیومی یقینیده آلمان و فرانسه تیرمه جماعه‌سی فوتبال اوین اوتکزیش پیتیده روی بیردی و مذکور استدیوم‌ده فرانسه جمهور رییسی فرانسوا اولاند هم فوتبال تماشاسیگه کیلگن اید. ایکینچی پارتلش هم 15 دقیقه اوتمه‌سی اوشبو استدیوم یقینیده اویوشتیریلدی.
بو پارتلش هجوم‌لر اوتکزیلیشی بیلن، پاریس شهری نینگ ایریم محله‌سیده آلتی مرته اوق اوزیش حادثه روی بیردی. باتا کلان کنسرت سالونیده قورالی کیشیلر کیریب 1500 دن آشه کیشینی قورشاوگه آلدیلر. پولیس بو قورشاوگه آلینگنلرنی قوتقریش‌گه حرکت قیلدی و نتیجه‌ده 5 هجوم‌چی شخص قوشیمچه 100 کیشی هلاکت‌گه بیریلدی. شونینگ‌دیک کامبوج رستورانتی‌ده 14 کیشی و شارون کوچه‌سیده 18 کیشی اوق اوزیش نتیجه‌سیده هلاک بولدیلر.
بو هجوم‌لردن کیین فرانسه پارلمانی ینه اوچ آی اضطراری حالتنی تمدید قیلدی. چهارشنبه کون باشله نیشی بیلن فرانسه پولیسی هجوم اصلی عاملی باره‌سیده قولگه کیلتیرگن اطلاعات اساسیده، پاریس شمالی «سن دنیس» محله‌سیده ییرلشگن اونینگ یشش بناسیگه یوریش ایلتدیلر. فرانسه باشقرلاوچی اداره‌سی هم اوتگن کون فرانسه‌ده ترورچیلرگه قرشی اوتکزیلگن عملیاتده اولگنلر ارا عبدالحمید اباعود جسدی بارلیگینی تصدیقله‌دی.
فرانسه ایچکی ایشلر وزیرلیگی حادثه روی بیرگندن حاضرگه قدر 414 مرته عملیات اوتکزیلیشی بیلن 60 کیشی قولگه آلینگن، 75 قبضه قورال و 11 نظامی قورال ضبط ایتلگن‌لیگینی اعلام قیلدی.
اصلیتی مراکش‌لیک بولگن 27 یاشر عبدالحمید اباعود بلژیک یشاوچیسی ایکن. او 2015 جنوری آیده بلژیک پولیسی بیلن اوتکزگن توقنه شوویده بیر ترورچی گروه بیلن تانیلیب تیرگاوگه آلینگن ایدی. بو ترورچی گروه نینگ بلژیک شرقیده باشقرووی عبدالحمید زمه سیگه بولیب، اونینگ سوریه‌ده داعش گروهی بیلن بارلیگی هم اثباتلنگن. داعش گروهی اوشبو حادثه مسؤولیتینی آلیب، فرانسه اوچقیچ‌لری تمانیدن مذکور گروه نینگ سوریه ده‌گی محله‌لری هجومگه آلینگن حادثه جوابی ایدی دیگن.
