پروان ولایتی جبل‌السراج ولسوال‌لیگی‌نینگ یشاووچی‌لری حکومت‌نی آگاهلنتیریب، مذکور ولسوال‌لیک‌ده برق ایشلب چیقاروچی کارخانه ایکی هفته‌ده توزه‌تیلمه‌گن حالده، شمال عمومی یولینی باغلب اوزبیکستان و تاجکستان دن کابل‌گه کیلتیریلگن برق‌نی کیسی‌نی تیلگه آلگن‌لر.
جبل‌السراج توغانی افغانستانده ایلک مرته برق ایشلب جیقارگن فابریکه سنله‌دی. مذکور فابریکه بوندن یوز ییل آلدین قوریلگن. لیکن، حاضرگی کونده بو ولسوال‌لیک اهالیسی برق یاروغ لیگی‌دن بهره سیز لر.
ولایت قیته قوریش (پی آر تی) تیمی بوندن بیش ییل آلدین «امین کاپیسا» ناملی خصوصی شرکت بیلن شرطنامه امضالب توغانده‌گی ایسکی توربین‌لر یانیده ینگی توربین‌لر قوریلیشی باره‌سیده قرار آلگن. اما، اوچ ییل‌لیک اوشبو لایحه ایشی بیش ییل‌گه چوزیلگن لیگی‌دن تشقری ولسوال‌لیک اهالیسی نینگ جدی تنقیدلرگه روپه ره بولگن.
عین حالده جبل‌السراج ولسوال‌لیگی‌نینگ اهالیسی بوگون (پنج‌شنبه) بیر اعتراض اوتکزیب اوشبو شرکت مسوول‌لری مافیا بولگن‌لیگینی تیلگه آلگن‌لر.
اهالی سوزلرنی تصدیق‌له‌گن ولایت کینگشی‌نینگ باشلیغی غلام بهاءالدین اوشبو شرکت‌نینگ مسووللرینی مافیا دیگن.
اخیرگی وقت‌لرده پروان ولایتی‌گه سفر قیلیب اوشبو فابریکه‌نی یقیندن کوزه‌تگن افغانستان سوو برق وزیرلیگی‌نینگ معاونی محمد همایون کوهستانی‌نینگ ایتیشیچه، مذکور پروژه‌نینگ کیلیشووی اوز باشیمچه طرزده ولایت قیته قوریش ی( پی آر تی) تیمی تامانیدن امضالگن. اونگه کوره، حاضر مذکور توغان فنی قیینچ‌لیگینی حل قیلیش اوچون آلتی آی وقت گه احتیاج بار دیگن.
ایتیلیشیچه، مذکور برق توغانی قوریلیشی اوچون ایکی میلیون 800 مینگ امریکه دالری اختصاصلشتیریلب، لایحه تکمیل ایتیلگن‌دن سونگ ولایت سابق والیسی همده پی آر تی مسوولری اشتراکی‌ده فایده‌له‌نیشگه تاپشیریلگن. بیراق حاضر فنی قیینچ‌لیک چیققنی باعث برق ایشلب چیقاریش‌دن قالگن.
