افغانستان معارف وزیرلیگی‌نینگ مسووللری مملکت مکتب‌لری اوچون 2.2 میلیون جلد کتاب چاپ ایتیلیگنی باره‌سیده خبر بیرگن‌لر. رسمیلر، اوشبو کتاب‌نینگ 80% یوقاری صفت‌گه چاپ ایتیلگن دیگن‌لر. ایتیلیشیچه، مذکور کتاب‌لر اون بیر مطبعه‌ده باسیب چیقاریلگن.
وزیرلیک‌نینگ مطبوعات اداره‌سی رییسی کبیر حقمل‌نینگ بوگون (یکشنبه) کابلده اوتکزگن مطبوعاتی بیر انجمنده ایتیشیچه، مذکور کتاب‌لر باشلنغیچ و اورته صنفلرگه تیگیشلی. شونینگ‌دیک بو کتاب‌لر مملکت ایسیق و ساووق 13 ولایتیده ترقه‌تیله‌دی.
عین حالده، حقمل هندوستان و ویتنام دولت‌لریده 20 میلیون کتاب چاپ آستیده ایکن‌لیگینی ایتگن.
مذکور کتاب‌لردن قول‌گه کیریتگن اوقوچی‌لر راضیلیگی ایتیله‌دی. اوشبو اوقوچی‌لر معارف رسمیلریدن مکتب‌لر لابراتوار مساله‌لرگه اعتبار قره‌تیشنی سوره‌گن‌لر. شونینگ‌دیک اوقوچی‌لر صنفلرده کمپیوتر یوق‌لیگی باشقه بیر قیین‌چیلیکلریدن ایکن‌لیگینی تیل‌گه آلگن‌لر.
بو بیرینچی مرته معارف وزیرلیگی‌نینگ کتاب‌لر قانیقرلی صفتده مملکت‌ده چاپ قیلینگنی ایتیله‌دی. بو قبیل کتاب‌لر بوندن آلدین هند، اندونزیا، عرب امرلیک‌لری و ویتنامده باسیگن. وزیرلیک‌نینگ رسمیلری، بوندن آلدین مملکت‌ده‌گی باسمخانه‌لر بونده‌ی کتاب‌لرنی چاپ قیلیش قابلیت‌گه ایگه بولمه‌گن.
مذکور کتاب‌لرنی چاپ قیلیش اوچون بیر میلیون دالر صرفلنگن، بو کتاب‌لرنینگ مالی خرجتی بیرلشگن ملت‌لر تشکیلاتی‌نینگ باله‌لر صندوغی(UNICEF) یا امریکه و دانمارک ترقیات اداره‌سی تامانیدن تولنگن.
