هلمند ولایتی‌نینگ محلی بلند مرتبه‌لی رسمیلری مذکور ولایت‌نینگ سنگین ولسوال‌لیگی‌ده‌گی امنیتی پوسته‌لردن بیری‌نینگ 65حربی‌سی قوراللی طالبلرگه قوشیلگن‌لیگینی تصدیق‌له گن‌لر.
حادثه‌نی «خیانت» دیگن ولایت‌نینگ والیسی میرزاخان رحیمی‌نینگ سوزلریگه کوره، واقعه دلیلی انیق له‌نیشی اوچون تیزلیکده مذکور ولسوال‌لیک‌که هیات یوباریله‌دی.
جناب رحیمی، سنگین ولسوال‌لیگی‌نینگ خوف‌سیزلیک وضعیتی یخشی لنگن‌لیگی‌گه قره‌می، مذکور حربی‌لر قوراللی طالبلرگه قوشیلگن دیگن. شونینگ‌دیک او، بوندن بویان ملی کوچلرنی دفاعی حالت‌دن چیقاریب و ولسوال‌لیک سقوط قیلیش آلدی آلینیشی اوچون طالب‌لر تصرفی‌ده بولگن منطقه‌لرده عملیات اوتکزیله‌دی دیگن.
هلمند ولایت والیسی‌گه کوره، اوتگن 24 تورت کونده قوراللی طالب‌لرنی لشکرگاه شهری‌نینگ باباجی و مارجه ولسوال‌لیکلری‌گه قیلگن هجوم عاقبتیده ملی کوچلرنینگ 88 نفری و تینچ اهالی‌دن ایسه تورت انسان هلاک بولگن.
ولایت والیسی ملی کوچلر بی‌فرق یانده‌شگن‌لیک‌لری سبب مذکور ولایت‌ده اوروش زمانی چوزیلیشی‌گه سبب بولگن لیگی باره‌‌سیده تاکیدله‌گن.
هلمند پولیس قوماندانلیگی‌نینگ سوزلاوچی‌سی شاه‌محمود آشان‌نینگ سلام وطندارگه ایتیشیچه، سونگی کونلرده ملی کوچلر آرقه‌لی اوتکزیلگن حربی عملیات نتیجه‌سیده جنگری طالب‌لرنینگ 40 نفری نابود ایتیلگن و اوچته‌سی ایسه یره لنگن.
جناب آشناگه کوره، هلمندولایتی‌ده عملیات ییر و هوادن جریانی بار. ایریم منطقه‌لر عصیانچیلردن تازه‌لنگنی ایتیله‌دی.
جناب آشنا، اوتگن کیچه هم قوراللی طالب‌لر ولایت‌نینگ موسی قلعه ولسوال‌لیگی‌ده ایریم پوسته‌لرگه هجوم قیلگن‌لیکلرینی بیلدیرگن و نتیجه‌ده ایسه 3 طالب اولدیریلگن و 3 جنگری ایسه یره‌لنگن.
عین حالده، ولایت‌نینگ بیش کیلو مترلیگی‌ده 24 کوندن بیری قوراللی طالب‌لر بیلن افغان ملی کوچلری اورته‌سیده اوروش جریانی بار، لیکن افغان ملی کوچلری هنوز هم طالب‌لرنی شکست بیریش‌گه موفق بولمه‌گن.
