افغانستان زعفران گلی‌نینگ بیرینچی ملی بیره‌می بوگون (چهارشنبه) 8 ولایت زعفران ایکینچیلری اشتراکیده هرات‌ده اوتکزیلدی.
هرات محلی رسمی‌لری‌نینگ اوشبو بیره‌م آچیلیش مراسمی‌ده ایتیشیچه، افغانستان زعفران گلی‌نینگ 90 فایزی مذکور ولایت‌ده ایشلب چیقاریله‌دی. اوشبو رسمی‌لرگه کوره، حاضر مذکور ولایت‌ده بیرمینگ هکتارگه زعفران ایکیله‌دی.
دنیا بویلب بازارتاپیش، ایکینچیلرنی آلقیش‌لش، زعفران ایکینچیلری‌نینگ تانیشتیریش، زعفران ایکینی و ایشلب چیقاریشی خصوصیده‌گی قیین‌چیلیک‌لرنی تیکشیریش و زعفران ایشلب چیقاریش توغری‌سیده هرات ظرفیتی‌نی یوقاری کوتریش، اوشبو بیره‌م مقصدلریدن دییله‌دی.
هرات ایکینچیلری باشلیغی فقیراحمد بیانگرنینگ ایتیشیچه، اولر شونقه بیره‌م‌لرنی اوتکزیب، بازارتاپیش و ایکینچیلرنی آلقیش‌لشی یانیده، زعفران گلی‌نینگ هرات ولایتی‌ده اینگ اقتصادلی ایکینچیلیک محصولی صفتیده تانیشتیره‌دی.
هرات ایکینچیلر باشلیغی، ایچکی بازارلرده زعفران نرخی اوتکن ییل‌لرگه قره‌گنده یخشی‌دیب کوپه‌یتیریشیچه، حاضر بیر کیلو زعفران هرات بازاریده 120 مینگ افغانی‌دن آشه‌راق ساتیله‌دی.
افغانستان زعفران ایکینچیلری‌نینگ ملی جمغرمه‌سی باشلیغی بشیراحمد رشیدی‌گه کوره، اوشبو بیره‌م‌ده 28 شرکت و 38 زعفران جمغرمه‌سی اشتراک ایتکن. اونینگ ایتیشیچه، بو بیره‌م بوندن کیین، هر ییل هرات‌ده اوتکزیلیشی ممکن.
جناب رشیدی‌نینگ ایتیشیچه، افغانستان زعفرانی اوچون معیاری سیناوگاه و خلق ارا گواهی‌نامه یوق‌لیگی زعفران برابریده جدی قیین‌چیلیک‌لردن سنله‌دی و حاضرگچه اوشبو دلیل باعث، افغانستان زعفرانی مذکور مملکت آدرسی‌دن دنیا بازارلریگه تانیشتیریلمه‌گن.
بیراق زعفران ایکینچیلری و ایکینچیلر جمغرمه‌سی مسؤول‌لریدن بیرقطاری زعفرانچی عیال‌لر حقوقی کم‌لیگی و افغانستان زعفرانی اوچون دنیا بازاری یوق‌لیگی‌نی، زعفران ساتیلیشی و ایشلب چیقاریلیشی خصوصیده، اصلی قیین‌چیلیک‌لردن دیب بیله‌دی.
هرات ولایتی، افغانستان‌ده زعفران ایشلب چیقاره‌دیگن اینگ کته مرکز سنله‌دی.
ایتیلیشیچه جاری ییل، افغانستان‌نی باشقه ولایت‌لریده‌گی ایکینچیلرگه 250 تُن زعفران پیازی ترقه‌تیلگن.
