مملکت سنامجلسی‌نینگ قطار اعضالری، افغانستان اقتصادی و امنیتی وضعیتی بوزیلگن لیگی‌نی ایتیب، اوشبو قیین‌چیلیک‌لرگه حل یول تاپیش اوچون تیزلیک‌ده لویه جرگه اوتکزیلیشی باره‌سیده تاکیدله گن‌لر.
بوگون (یک‌شنبه) سنامجلسی‌نینگ عمومی ییغینی‌ده سوزله‌گن مجلس‌نینگ بیرینچی اورین باسری محمد علم ایزدیار، افغاستان اساسی قانونی‌گه موافق، حاضرگی معمالر ییچیلیشی همده مملکت رهبرلری اورته‌سیده امضالنگن سیاسی کیلشودن حمایت قیلگن حالده، لویه جرگه اوتکزیلیشی لازم دیگن، اما اوندن آلدین پارلمان همده ولسوال‌لیک کینگش سیلاولر اوتکزیلیش زمای انیقله‌نیشی ضرور دیگن.
اوشبو مجلس‌نینگ اعضالریدن بیری زلمی زابلی، افغانستان‌نی حاضر بحران‌گه روپه ره دیب، تیزیم دوامی اوچون لویه جرگه اوتکزیلیشی ضرور ایکن لیگی حقیده تاکیده‌لگن.
اساسی قانون‌نینگ 111 ماده‌سیگه موافق، لویه جرگه‌ده ایکی مجلس اعضاسی، ولایتی و ولسوال‌لیک‌لر کینگش اعضالری، کابینه اعضاسی، عالی محکمه رییسی و اعضالری و دولت باشقره‌لاوچیلیگی‌نینگ اشتراک قیلیشی حتمی.
لیکن، سیاسی تحلیلچی محمدیونس فکور، افغانستان حاضرگی شرایطی و حکومت دوچار بولیب تورگن قیین‌چیلیک‌لرگه قره‌گنده اوشبو مجلس‌نی اوتکزیلیشی ممکن ایمس دیگن. اونگه کوره، لویه جرگه اوتکزیلیش اورنی‌گه ملی کوچلردن حمایت ایتیلیب ییریک اقتصادی لایحه‌لر اوستیده ایش قیلیشی‌نی مقصدگه موافق.
جناب فکور، افغانستان سیاستچی‌لری اوز شخصی منفعت‌لریدن اوتیب حاضرگی حکومت‌نی حمایت ایتیش‌لری توغریسیده علیحده تاکیدله‌گن.
افغانستان‌لیک سناتورلر ملی بیرلیک حکومتی تشکیل ایتیلیشی اوچون سیاسی کیلیشووگه اساسن حکومت ایشگه باشلگن‌دن ایکی ییل اوتگن دن کیین اساسی قانون اوزگرتیریلیب ریاستی تیزیم پارلمانی تیزیم‌گه اوزگرتیریلیشی اوستیده کیلیشگن بیر پیتده لویه جرگه اوتکزیلیشی نی ایتماقده‌لر.
بوندن آلدین هم مملکت‌نینگ قطار سیاستچی‌لری لویه‌جرگه اوتکزیلیشی‌نی تیل‌گه آلگن ایدیلر، اما حکومت هنوزگچه بو توغریده بیرار نرسه دیمه‌گن.
