جمهور رییس‌نینگ حکومت ایشلری‌گه اصلاحات کیریتیش و یخشی حکومتدارلیک بوییچه مخصوص نماینده‌سی احمدضیا مسعود، افغانستان اوروشی‌نی «ییپرتمه و اوزاق مدتلی» دیب ایتیشیچه، بو اوروش یالغیز تینچ‌لیک سوزلشوولری بیلن یکونلنمه‌یدی.
جناب مسعود‌نینگ (شنبه کون) «میدیا و خبرچیلر ایشیدن تقدیرلش مراسمی‌ده» ایتیشیچه، پاکستان تورلی سیاسی و اقتصادی مقصدلرینی ایزله‌یدی و بو مملکت مقصدلری‌گه ایریشگینچه، افغانستان‌ده اوروش یکونلنمه‌یدی.
جمهور رییس‌نینگ حکومت ایشلری‌گه اصلاحات کیریتیش و یخشی حکومتدارلیک بوییچه مخصوص نماینده‌سی، طالب‌لر ارا تینچ‌لیک‌نی «ناتوغری» بیلیب ایتیشیچه، بو ایش پاکستان منفعتی اوچون زمینه یره ته دی. اونینگ اورغولشیچه «عصیانچی و غلام» گروه بیلن اوتکزیلگن تینچ‌لیک جهان ارا ایجابی نتیجه بیرمه‌گن.
مسعود، مملکت‌ده‌گی ناتینچ‌لیک‌لر، چیگل‌لیک‌لر و سیاسی ثبات سیزلیک‌لرنی پاکستان‌گه نسبت بیریب ایتیشیچه، اوشبو مملکت، افغانستاننی ثبات‌سیز سقلش خصوصیده، طالب‌لر و باشقه عصیانچی گروه‌لردن ایش آله‌دی.
حکومت اوشبو ییریک ملازمی‌نینگ ایتیشیچه، پاکستان‌لیک‌لر انچه ییل‌لردن بویان افغانستان‌ده اوز ایسته‌گی‌گه حکومت کیلتیریش خصوصیده سعی و حرکت قیلگن. اونینگ ایسلشیچه، مملکت ده‌گی پارتلش هجوم‌لر عامل‌لری اولرگه پناه کیلتیریب، پاکستان سیاستی‌دن طرفدارلیک قیله‌دی.
بیراق، کابل بوییچه پاکستان ایلچی‌خانه‌سی‌نینگ مدنی نماینده‌سی اختر منیرنینگ، احمدضیا مسعود سوزلری توغری‌سیده سلام‌وطندارگه ایتیشیچه، افغانستان‌ده‌گی اوروش هیچ قنقه اولرنینگ منفعتی‌گه بولمه‌گن و پاکستان دولتی، افغانستان امنیتی وضعیتی یخشی‌لنیشی خصوصیده سعی و حرکت قیله‌دی. جناب منیرگه کوره، ایکی مملکت منفعتی و زیانی بیردیک بولگن و بو ایکی مملکت‌دن بیری زیان کورگن صورتده، ایکینچیسی هم زیان کوره‌دی.
ملی بیرلیک حکومت تشکیل ایتیلگنی‌دن کیین، کابل- اسلام‌آباد علاقه‌سی یخشی‌لنیشی خصوصیده، کوپلب سعی و حرکت‌لر قیلیندی، بیراق کابل و باشقه بیرقطار ولایت‌لرگه ناتینچ‌لیک‌لر کوپه‌یگنی‌دن کیین، حکومت باشلیغ‌لری‌نینگ سیاستی، پاکستان برابریده اوزگردی و بو مملکت نیچه مرته، جمهور رییس و باشقه حکومت رسمی‌لری تامانیدن افغانستان‌ده‌گی ناتینچ‌لیک‌لر خصوصیده عیب‌لندی.
