خلق ارا کریکت فدراسیونی‌نینگ سونگی اولتیریشیده، آسیا کریکت جامی 20 آوره‌لیک اویین‌لری میلادی 2016- ییل، ینه بیرمرته بنگلادش‌ده اوتکزیلیشی خصوصیده قرار قیلینگن.
پاکستان، هند، بنگلادش و سریلانکا تیرمه جماعه‌لری ایرکین شکلده بو جام‌گه بیری- بیراوی بیلن اوینش‌لری ممکن؛ بیراق افغانستان مذکور جام‌گه یول تاپیش اوچون باشقه ایکی مملکت تیرمه جماعه‌لری بیلن اوینه‌شی لازم. خلق ارا کریکت فدراسیونی‌نینگ قراری اساسیده، افغانستان آسیا کریکت جامی 20 آوره‌لیک اویین لری‌گه یول تاپیش اوچون، هنگ‌کنک و عمان تیرمه جماعه‌لری بیلن عرب بیرلشیک اماراتی ده اوینه‌یدی.
شونده‌ی حالده، میلادی 2015- ییل، خلق ارا کریکت جامی 50 آوره‌لیک اویی‍ن‌لریده، افغانستان تیرمه جماعه‌سی یخشی تیارگرلیک و سابق کریکت بورد رسمی‌لری‌نینگ سعی و حرکت‌لری باعث، ایرکین صورتده حضور کیلتیریش‌گه شانس کیلتیرگن ایدی.
عرب بیرلشیک اماراتی اویین‌لری‌گه یوتوققه ایریشگن تیرمه جماعه بنگلادش‌ده‌گی 20 آوره‌لیک اویین‌لرنی بیرینچی دوری‌گه سیله‌نیشی ممکن.
افغانستان، هنگ‌کنک و عمان اورته‌سیده‌گی آسیا کریکت جامی سیلش باسقیچی 27- نوامبر عرب بیرلشیک اماراتی ابوظبی شهریده اوتکزیله‌دی.
سنگاپورده اوتکزیلگن خلق ارا کریکت فدراسیونی‌نینگ اولتیریشیده، آسیا کریکت جامی 20 آوره‌لیک اویین‌لری، میلادی 2016- ییل 24- فبروری‌ده، اوتکزیلیشی اوستیگه قرار قیلینگن. ایتیلیشیچه، آسیا کریکت جامی 20 آوره‌لیک اویین‌لری بیش مملکت اورته‌سیده کیله‌سی میلادی ییل و 6- می، خلق ارا کریکت جامی آلتینچی دوره‌سی باشله‌نیشی‌دن بیش کون آلدین‌گچه دوام ایتیشی ممکن.
آسیا کریکت جامی اویین‌لری بیشینچی مرته بنگلادش تامانیدن کوتیب آلینه‌دی. اوشبو مملکت میلادی 1988، 2000، 2012 و 2014- ییل‌لرده‌گی اویین‌لرگه میزبان‌لیک قیلگن.
