لوگر معارف ریاستی رسمی‌لری نینگ ایتیشیچه، اوتگن کیچه پل عمل‌ده جایلشگن «حاجی گلون» ناملی قیزلر مکتبی‌ده طالبلر هجوم قیلیب اوتگه تارتگنلر. بو مکتب‌ده 500 گه یقین قیز سبق آلیب کیلماقده ایکن.
مکتب صنف‌لریدن کوپیسی اداره حجت‌لری قوشیمچه توتاشیگه یانیب کیتگن، اما محل یشاوچیلری ساختمان نابود بولیشینی آلدینی آلگنلر و مکتبنی الاو آلیشدن قوتقرگنلر.
بو مکتب طالبلر باشلیغی نینگ نیچه پیت آلدینگی سیس پیامی‌ده عام‌المنفعه ییرلرگه آسیب ییتمه سین دیگن حکمی‌گه قره‌مسی یاندیریلگن.
تخارده هم نیچه کون آلدین طالبلر «شب‌نامه» ترقه‌تیشلری بیلن ولایتده‌گی قیزلر لیسه‌لرینی توتاشیگه اوتگه یاندیره‌میز دیب آگاه‌لنتیرگن ایدی. اوشبو گروه بیرینچی مکتبنی اوتگه تارتیش ایشلرینی گرزیوان تومنیده‌گی «چشمه شیر» لیسه‌سینی اوتگه یاندیریشلری بیلن باشله‌گن ایدی.
لوگر معارف باشلیغی نینگ ایتیشیچه، ولایت بره‌کی برک و چرخ تومنلریده طالبلر 25 مکتب ایشیگینی قیزلر یوزیگه یاپگن. بو مکتب‌لرده 3400 گه یقین قیز درس آلیش ایشی بیلن مصروف ایکن.
