ارزگان امنیتی رسمی‌لری نینگ ایتیشیچه، تورت کوندن بویان ولایت شهید حساس تومنیده امنیتی کوچلر بیلن طالبلر ارا قتیق اوروش اوتکزیلماقده.
مذکور تومن پولیس باشلیغی ولی‌دادنینگ سلام‌وطندار بیلن ستلایت تیلفونی آرقه‌لی تماس علاقه‌ده بولیب ایتیشیچه، بو تورت کونلیک اوروشده، حاضرگه قدر جنگری طالب‌لردن 65 کیشی و 38 عسکر هلاک و 27 طالب و 40 امنیتی کوچلرهم تن جراحتی آلگن.
اونگه کوره، امنیتی کوچلردن یره‌لنگن‌لر شهید حساس تومنی کسل‌خانه سیده ایلتگنلر؛ اما بوکسل‌خانه ده هیچ قنده‌ی ساغلیق خدماتی یوق.
شونینگ‌دیک ولی‌دادنینگ ایتیشیچه، حاضرگه قدر جنگری طالبلر امنیتی کوچلر پوسته‌لریدن اوچته‌سینی آلگنلر.
شهید حساس پولیس باشلیغی‌نینگ آگاه‌لنتیریشیچه، قورال اسلحه بیلن جهازلنمه‌گن صورتده، ولسواللیکنی ترک قیلیشگه مجبور بوله‌دیلر.
قومندان نینگ ایتیشیچه، طالبلر ولسواللیکنی توتاشیگه آلیش قصدیده بولیب، مذکور گروه جنگریلریدن کوپلب قتنشگن ایکنلر.
ولی‌داد نینگ کوپه‌یتیریشیچه، نیچه کوندن بویان طالبلر مذکور تومنده‌گی مخابراتی ترماقلرنی ایشدن آلگنلر.
حاضرگه قدر طالبلر بوباره‌ده بیرنرسه دیمه‌گن.
ارزگان افغانستان مرکزی ولایتلریدن بولیب، جنگری طالبلر اصلی مرکزلریدن بیری دیر و بو گروه مذکور ولایت کوپلب منطقه‌سیده، جمله‌دن شهید حساس تومنیده فعال دیرلر.
