افغانستان ایچکی ایشلر وزیرلیگی قندوز ولایتیده ایچکی و تشقی ترورچیلر فعالیتی بارهسیده معلومات بیرگن شخصگه مکافات بیریلیشی بارهسیده خبر بیرگن. بوگون کابلده بیر خبر انجمنده اشتراک قیلگن ایچکی ایشلر وزیرلیگینینگ سوزلاووچیسی صدیق صدیقینینگ سوزلریگه کوره، مکافات نقده پولدن عبارت.
صدیقی، ترورچیلر فعالیتی توغریسیده معلومات بیرهدیگن شخصنینگ برچه خصوصیتلر سیر سقلهنیشی بارهسیده تاکیدلهگن.
وزیرلیک نینگ سوزلاووچیسی اوشبو ایشدن اساسی نیت قندوز ولایتی تیزلیکده جنگریلردن تازلهنیب تینچ اهالی همده ملی کوچلرگه زیان ییتمسلیگی بولگن لیگینی بارهسیده اشاره قیلگن.
خطرلی محبوسلرنی باشقه منطقهلرگه ییکتزیش
شونینگدیک ولایتلردهگی خطرلی محبوسلری حقیده سوزلهگن صدیق صدیقی، بیر ییلدن بیری ایرم ولایتلردهگی خطرلی محبوسلر باشقه تورمهلرگه انتقال بیریلگنلیگینی بیلدیرگن. او، سونگی وقتلرده طالبلرنینگ هجومی خصوصیده معلوماتلری بولگنی اوچون ایریم محبوسلر ولایتنینگ باشقه تورمهلریگه آلیب باریلگن لیگلرینی ایتگن.
مملکت ایچکی ایشلر وزیرلیگینینگ سوزلاووچیسی، قوراللی طالبلر آرقهلی ایریم ولایتلرنینگ تورمهلر هجوم آستیگه آلینیب، تورمهدهگی محبوسلرنی آزاد قیلگن بیر پیتده بو سوزلری ایتگن.
طالبلر غزنی ولایتنینگ عمومی قماقخانه سیگه هجوم قیلیب، اوبشو حرکتینگ 355 اعضاسینی تورمهدن آزاد ایتیشگه موفق بولگن ایدی. شونینگدیک بوندن اون اوچ کون آلدین هم قندوز شهری طالبلر تامانیدن تصرف ایتیلگندن کیین کوپچیلیگی قوراللی طالبلر اعضاسی بولگن ترورچی لر تورمهدن قاچیش گه موفق بولگن ایدی.
