حج و اوقاف وزیرلیگی رسمی‌لری‌نینگ ایتیشیچه، بو ییل حج مراسمی‌ده 34 کیشی هلاک بولیب و باشقه 37 کیشی یره‌لنگن. حج و اوقاف وزیرلیگی اورین باسری داعی‌الحق، بوگون (پنج‌شنبه) بیر خبری ییغینده سوزگه چیقیب ایتیشیچه، هلاک بولگن 34 کیشی‌دن 10 ته‌سی جرثقیل سقوط ایتکن واقعه‌ده جان بیرگن.
جناب عابدی‌نینگ ایتیشیچه، مناده یوزبیرگن واقعه‌ده حاجی‌لردن 3 ته‌سی هلاک بولگن و شونینگ‌دیک باشقه 5 ته‌سی درک‌سیز یوقالگن.
حج و اوقاف وزیرلیگی اورین باسری‌گه کوره، بو ییل افغانستان یشاوچی‌لریدن 24 مینگ کیشی حج مراسمی‌گه یوباریلگن، بو جمله‌دن حاضرگچه کمیده 8 مینگ ته‌سی مملکت‌گه قیتگن.
بو ییل حج مراسمی‌ده، مسجدالحرام و منا اطرافیده یوزبیرگن ایکی ایری واقعه باعث، 876 حاجی هلاک بولگن و باشقه 1093 ته‌سی یره‌لنگن. بیرینچی واقعه مسجدالحرام‌ده جرثقیل سقوطی باعث یوزبیردی و سونگی حادثه عربستان دولتی رسمی‌لری‌گه کوره، یول‌لردن بیریده حاجی‌لرنینگ حددن تشقری گامجوم‌لیگی باعث، یوزبیرگن.
