هلمند والیسی میرزاخان رحیمی، ولایت جنوبی و شمالی تومنلری نینگ امنیتی وضعیتی یخشی بولگنلیگیدن خبر بیرهدی و امنیتی کوچلرنینگ سونگی عملیاتلری طالبلرنی ضعیف قیلگن دیدی. جناب رحیمی نینگ ایتیشیچه، اوتکزیلگن عملیاتلرده طالبلر باشلیغلریدن کوپیسی هلاک بولگن و بو ولایتده نظامی تیزیملری نابود ایتیلگن.
بوگون (چهارشنبه) رحیمی بیر اولتیریشده، جمهور رییس بیلن سونگی اولتیریشیده هلمند امنیتی وضعیتی بارهسیده قیلگن صحبتلریگه قرهتیب، تیزلیکده ولایت ایجابی اوزگریشلرگه شاهد بولهدی دیدی.
هلمند والیسی نینگ ایتیشیچه، طالبلر تبلیغاتی اوروش بیلن آلغه بارماقده و بو ایشلری بیلن اولکه یشاوچیلرینی خواطرلنتیرماقچیلر، اما هلمند یشاوچیلری اولرنینگ تبلیغاتیگه اوچونمیدی. او، مدنی فعاللر، قوم آقسقاللری و دین عالملریدن ایستهدی تا جنگریلر تبلیغاتیگه قرشی عمل قیلسینلر.
جناب رحیمی شوپیتده هلمند امنیتی وضعیتی یخشی بولیشیدن خبر بیرهدیکه شو سونگیده طالبلر ولایت شمالی تومنلریده هجوملریگه آرتیریشلرینی ایتگن ایدی. اولر محل یشاوچیلریدن اویلرینی ترک قیلیشلرینی ایستهگن ایدی. عین حالده، امنیتی مسؤوللر طالبلرنینگ بوگپلری اهالینی قورقیتیش اوچون فقط تبلیغات دیب بیلهدی.
حاضرگه قدر طالبلر عملیاتلری بارهسیده بیرنرسه دیمهگن.
ولایتده تورت آی آلدین امنیتی کوچلر ذوالفقار ناملی علمیاتلرینی اوتکزیشلری بیلن دشمنگه آغیر تلفات بیرگن ایدی. معلوماتلرگه کوره، عملیاتلرنتیجهسیده، بیرسنگین تومنیده 418 طالب هلاک بولگن ایدی و7 کیشی تینچ اهالی قوشیمچه، امنیتی کوچلردن 93 هلاک بولگن ایدی.
