افغانستان فوتبال فدراسیونینینگ خارجی مسؤولی مصطفی میرزادنینگ سلاموطندارگه ایتیشیچه، افغانستان فدراسیونی و آسیایی فوتبال فدراسیونی اورتهسیده امضالنگن شرطنامهگه موافق مملکت تورتینچی لیگی نینگ قهرمانی بیرینچی مرته جاری ییل جنوبی آسیا باشگاهلر مسابقهسیده اشتراک قیلیشی کوتیلهدی.
جناب میزادگه کوره، مذکور فوتبال اویینلری جنوبی آسیا مملکتلری اشتراکیده اورتاقلی شکلده بنگلهدیشده اوتکزیلیشی انباتگه آلینگن.
فوتبال فدراسیونی خارجی مسؤولینینگ لیگ برتر توغریسیده ایتیشیچه، افغانستان فوتبال فدراسیونی لیگ برتر زمانوی بولیشی اوچون سعی وحرکت قیلهدی و کیلگوسی ییللرده اوشبو اویینلرده اشتراک قیلهدیگن تیملر سانینی آشیرهدی. میرزادگه کوره، مملکت لیگ برتر قهرمان تیمیدن آسیا قهرمانلر لیگ برتر فوتبالی گه یول تاپیشی ممکن.
مملکت لیگ برتر فوتبال اویینلری بیر آیدن بیری مملکتنینگ سکیز حوزهسیدن قتنشگن سکیز تیم حضوریده کابلده اوتکزیلدی.
لیگ برتر مسابقهلرینینگ تورتینچی دوریده طوفان هریرود، شاهین آسمایی، میوند اتلان، موج های آمو، عقابان هندوکش، سیمرغ البرز، موج های اباسین، و اسپین غر بازان فوتبال تیملری اشتراک قیلگن ایدی.
اوشبو لیگ نینگ اخیرگی اویینی (جمعه) کونی شاهین آسمایی و اسپین غر بازان تیملری اورتهسیده کابلده اوتکزیلدی، اسپین غر بازان تیمی پنالتی تشلشده 4-3 مقابلیده شاهین آسمانی مغلوب قیلیب، مملکت لیگ برتر مسابقهلرینینگ تورتینچی دوریده بیرینچی مقام نی کسب قیلدی.
افغانستان لیگ برتر فوتبال اویینلری هر ییلی مملکت فوتبال فدراسیونی تامانیدن اوتکزیلهدی.
