طاهر رووفی آسیا فوتبال کینگشی تامانیدن بیرینچی درجهلی ترینرلیک حجتینی قولگه کیریتدی.
مملکت فوتبال فدراسیونی آرقهلی نشر ایتیلگن خبرنامهده، میلادی اوتگن ییلده پاکستانده مربیگرلیک کورسینی موفقیت بیلن بیتیرگن جناب رووفی، بوگون (پنجشنبه) کابلده اوشبو حجتنی قولگه کیریتدی.
افغانستان فوتبال فدراسیونی نینگ تخنیکی مسوولی اولهراق خذمت قیلهدیگن جناب رووفی، مملکتنینگ ایلغار ترینرلریدن حسابلنهدی.
ایتیلیشیچه، جناب رووفی بو حجتنی قولگه کیریتیشی بیلن افغانستان ملی فوتبال تیمی و باشقه مملکتلر فوتبال تیمی اویینچیلری مربیگرلیگینی ذمهسیگه آلالهدی.
بوندن آلدین افغانستانده، مملکت سابق فوتبال تیمینینگ مربیسی یوسف کارگر یالغوز بوندهی حجتگه صاحب بولگن.
آسیا بویلب اینگ یخشی مربینی تربیهلش کورسی میلادی اوتگن ییل پاکستاننینگ لاهور شهریده اوتکزیلگن ایدی. بو برنامهده اشتراک قیلگنلر ترینرلیکنی عملی و نظری شکلده اورگن گنلر. افغانستاندن یالغوز طاهر رووفی اوشبو کورسنینگ برنامهسیده قتنشگن ایدی.
