شو سونگیده اولکه فوتبال تیرمه جماعهسی سلاوان اسکلیزیچ اورنیده پیتر سرگیت، کرواسیایی مربیسی نینگ فوتبال باش مربیسی حیثیده تعیین ایتدی.
افغانستان فوتبال تیرمه جماعهسی تشقی رابطهلر باشلیغی مصطفی میرزادنینگ سلاموطندار بیلن تیلفونی سوزلشیب ایتیشیچه، اوتگن کیچه جناب سرگیت نینگ باش مربیگرلیک کیلیشمهسی اوز نهایه سیگه ییتگن.
جناب میرزادنینگ ایتیشیچه، بوندن آلدین پیتر سرگیت آلمان بوندسلیگای لیگیده جرمنی تیمی و گرجستان ملی فوتبال تیرمهسینی مربیگرلیک قیلیب کیلگن.
افغانستان فوتبال تیمی نینگ ینگی مربیسی 49 یاشده بولیب اروپا اتحادیهسی (یوفا) تامانیدن مربیگرلیک حجتلرینی قولگه کیریتگن.
پیتر سرگیت فوتبال اویین دورهلرینی آلمان فوتبال لیگیده باشلهدی و افوی کالو، پلوشینگین، شووینخایم، آلمرباخ، والدورف و والدوف منهایم تیملری بیلن دوام ایدی. او27 یاشده، 1993- ییلدن مصدوم بولگنلیگی سبب فوتبال اویینلرینی ترک ایدی. جناب سرگیت فوتبال اویینلریدن چیکله نیشی بیلن، مربیگرلیک ایشلری بیلن شوغللندی.
حاضرگه قدر سرگیت ایریم اولکهلر ملی تیرمهسی اوچون کوپلب شاگر تربیه قیلگن. اونی فوتبال توزه تووچیسی هم دیب تانیدیلر.
شوییل مابینیده افغانستان فوتبال تیمی نینگ اوچینچی باش مربیسی جناب سرگیت بولهدی.
افغانستان ملی فوتبال سابق مربیسی سلاوان اسکلیزیچ اولکه فوتبال تیرمه جماعهسی تامانیدن شوپیتده ایشدن آلیندیکه روسیهده اوتکزیلگن 2018- ییل اوچون اوتکزیلگن جهانی جام اویینلریده افغانستان فوتبال تیمی بیرین کیین اینگه ییش بیلن روپهره بولدی.
اولکه فوتبال تیرمه جماعهسی خبرنامه آرقهلی جناب اسکلیزیچ نینگ ایشلریدن آلقیشلب اونینگ قیسقه مدتده بولیشی ملی فوتبال نفعگه ایمس ایدی دیب یازگن.
جناب اسکلیزیچ باش مربیلیک زمانیده افغانستان فوتبالی 8 مرته بیلشوو اوتکزیب، نتیجهده ایکی پیروزلیک، بیر مساوی اوین و باشقه 5 بار شکستنی کیینگه قالدیردی.
افغانستان فوتبال تیمی روسیه 2018- ییل جهانی جامی اوچون قیتیش اویینلر باشلهنیشی ده نوامبر آیی نینگ 12- سیده کمبوج تیمی بیلن تهرانده بیلشوو اوتکزهدی.
