افغانستان ملی فوتبال تیمی روسیه باشلنغیچ جهانی جامی ایکینچی مرحلهسیده (E) 5- گروهیده. مذکور تقسیمله نیش مسالهسی، 25- حمل مالزی کوالالامپور شهریده بولیب اوتدی.
فوتبال تیملرینینگ تقسیملهنیشیدن منظور 2018- ییلده روسیهده اوتکزیله دیگن جهانی جام اویینلری اوچون بولگن.
مذکور اوچره شووده، اولکه ملی تیمی قرعه اساسیده سنگاپور، سوریه، جاپان و کمبودیا اولکهلری بیلن 5- گروهده اوینیدی.
اوشبو فوتبال اوینیده ایریم اولکهلردن 40 تیم قتنهشیشی بیلن 8 گروهده بولینیب و بو تیملرمالیزیاده پیروز بولگن صورتده، روسیه جهانی جامیده اوچینچی دور یول تاپیشلری کوزه تیلگن.
مذکور اویینلر بیرینچی گروه سیده سعودیه عربستان، فلسطین، مالزی، عرب اماراتی و شرقی تیمور کیرهدی.
ایکینچی گروه سیده آسترالیا، اردون، تاجیکستان، قرغیزستان و بنگلادیش اولکهلری اوز ارا رقابت قیلهدی و چین، قطر، مالدیو، یونان و هانگکانگ اولکهلرینینگ ملی تیمی ایسه اوچینچی گروهسیده یوزمه یوز بولیشهدیلر.
تورتینچی گروهده ایسه ایران، عمان، هندوستان، گوام و ترکمنستان اولکهلرینینگ ملی تیمی اوینیدیلر و عراق، ویتنام، تایلند، چین تایپه و اندونیزیا اولکهلری ایسه آلتینچی گروه رقابت چیلریدن بولیشی ممکن.
کوریا، کویت، لبنان، میانمار و لاووس تیملری ایسه 7- گروهده کیریب، رقابت قیلهدیلر. بحرین، فلیپین، شمالی کوریا، اوزبیکستان و یمن اولکهلری ایسه 8- گروه عضوی بولگن.
ایتیلیشیچه، مذکور اویینلر جاری ییل جون آییده باشلنهدی.
